Governu sei foti desizaun kona-ba kazu dengue sa’e maka’as iha Dili

DILI, 29 Janeiru 2026 (TATOLI)–Primeiru-Ministru, Kay Rala Xanana Gusmão, hateten aban Konsellu Ministru extraordináriu Governu sei haree mós kona-ba kazu dengue ne’ebé daudaun ne’e aumenta iha Timor-Leste liuliu sa’e maka’as iha Munisípiu Dili no halakon ona ema lubuk ida nia vida.

Notísia Relevante: Janeiru 2026: Servisu Saúde Dili rejista kazu dengue hamutuk 223

“Kona-ba ida-ne’e, aban mós ami sei haree, problema sira kona-ba moras hada’et sira-ne’e susar tebe. Ne’ebé, aban, iha Konsellu Ministru ami sei haree,” Xanana hateten ba jornalista sira hafoin ramata enkontru ho Prezidente Repúblika, José Ramos-Horta, iha Palásiu Prezidensiá, Nicolau Lobato, Bairru Pite, ohin.

Nia dehan, moras dengue hada’et husi susuk ho nune’e sei buka meiu hodi kombate susuk ne’e.

“Dengue ne’e hada’et husi susuk, ne’e ita tenke rega para nia mate. Di’ak, aban ami sei haree iha Konsellu Ministru,” Xanana dehan.

Moras dengue sa’e maka’as

Daudaun ne’e, moras dengue sa’e maka’as iha Timor-Leste liuliu iha munisípiu Dili ne’ebé rejista kazu rejistadu hamutuk 327 no na’in-ida (1) lakon vida iha 21 Janeiru 2026.

Fatin sira-ne’ebé hatene husi susuk Aedes sei sa’e tanba tempu udan, nune’e Autoridade Munisípiu Dili apela ba komunidade atu halo limpeza no prevensaun hodi kombate moras ne’ebé perigu ba vida.

Pontu Importante Moras Dengue iha Timor-Leste (2026)

Kazu sa’e: Iha 2026, kazu rejistadu sa’e to’o 327 iha loron 21 Janeiru, ho mortalidade na’in-ida (1).
Fatin: Munisípiu Dili sai fatin ne’ebé kazu sa’e maka’as.
Tempu: Kazu dengue sa’e liuliu iha tempu udan.
Prevensaun: Autoridade husu komunidade hamoos ambiente, soe lixu iha fatin, no kumpre protokolu saúde.

Prevensaun (3M Plus):