DILI, 03 fevereiru 2025 (TATOLI) – Komisaun Rekrutamentu vaga membru PNTL 2025 tersa ohin, anúnsia ba publiku iha ema na’in-10.597 mak admitidu iha vaga rekrutamentu membru PNTL.
Portavóz komisaun rekrutamentu vaga membru PNTL foun 2025, Superintendente Polísia António da Luz, esplika, kandidatu sira ne’ebé hamutuk 10.597 ne’e tama admitidu iha faze haat teste kulturál, teste entervista, aptidaun (teste fiziku) no psikoteste.
“Totál aprovadu 10.597 kompostu husi mane 7.716 no feto 2.881.Enkuantu kandidatu sira ne’ebé reprovadu iha teste faze modalidade haat ne’e mak hamutuk 2.277 kompostu husi mane 1.787 no feto 490,” António da Luz informa liuhusi konferénsia imprensa iha Sentru Formasaun Polísia, Komoro, tersa ne’e.
Tuir dadus ne’ebé komisaun rekrutamentu katak, kandidatu membru PNTL foun 2025 munisípiu ne’ebé admitu Aileu totál kandidatu ne’ebé admitidu mak 718 kompostu husi mane mane 484 no feto 234 , no ida ne’ebé laprovadu hamutuk na’in-120, mane 94 no feto na’in 24.
Munisípiu Ainaru ne’ebé admitidu totál 587 kompostu husi mane 446 no feto 141 no sira ne’ebé mak la admitidu totál 141kompostu mane 122 no feto 19.
Munisípiu Ataúru totál hamutuk na’in-79 mak admitidu no mane- 63 feto-16, la admitidu mak totál na’in hitu (7) mane na’in-neen no feto na’in-ida.
Baukau iha ema na’in-575 kompostu mane iha 147 no feto iha 702, la admitidu 575 kompostu husi mane-147, feto-702 no ida ne’ebé la admitidu hamutuk-42 mane 35 no feto iha hitu.
Bobonaru admitidu iha ema na’in-685 kompustu husi mane 503, feto 182, ida la admitidu totál 88 kompostu husi mane 66 no feto 22.
Kovalima totál 548, mane 424 no feto 124, la admitidu 119, mane 112 no feto na’in-hitu.
Dili sentru formasaun Polisia totál 3014 kompostu husi mane 2069, feto 945 no admitidu 677 kompostu husi mane 523 no feto 154.
Ermera kandidatu sira ne’e admitidu totál 981, mane 719, feto 262 no la admitidu 273 kompostu husi mane 204 no feto 69.
Munisípiu Lautein totál kandidatu ne’ebé admitidu hamutuk 510, mane 374 no feto 136, la admitidu hamutuk 77 mane 55 no feto 22.
Munisípiu Likisá iha kandidatu admitidu hamutuk 475 mane iha 340, feto 135 no ida ne’ebé la admitidu hamutuk mane 136 no feto 48, totál hamutuk 184.
Munisípiu Manatutu kandidatu ne’ebé admitidu hamutuk mane 397, feto 155, 552, la admitidu hamutuk mane 107, feto iha 29 hamutuk 136.
Munisípiu Manufahi ida ne’ebé admitidu mane 429, feto 138, totál 567 ida ne’ebé la admitidu hamutuk mane 107, feto 29 hamutuk 136.
RAEOA kandidatu admitidu mane hamtuk mane 402, feto 119 hamutuk 521. Enkuantu la admitidu mane 122, feto 31 hamutuk 153.
Munisípiu Vikeke mane -49, feto 147, hamutuk 638, la admitidu mane iha 98, feto 26, hamutuk-124.
Nune’e totál admitidu mane 7.716, feto 2.881, totál mane no feto admitidu hamtuk 10.597 no ida la admitidu mane 1.787, feto 490 no totál mane no feto ladmitidu iha vaga rekrutamentu membru PNTL foun mak 2.277.
António da Luz hateten, ba kandidatu hira ne’ebé mak admitidu no la admitidu sira-nia naran sei públika kuarta (04/2) aban iha sede suku sira postu administrativu, edifísiu administrasaun munisipál sira inklui eskuadra no komandu munisípiu sira.
António da Luz hateten, ba kandidatu sira ne’ebé mak naran sai sei mai hotu iha Sentru Formasaun Polísia, nune’e polísia sei tula hodi submete ba prosesu teste médiku iha ospitál nasionál.
Nia dehan, iha faze teste médiku ne’e mak sei selesiona kandidatu 400.
“Iha rekrutamentu vaga ne’e presiza 400 tanba ne’e husu ba kandidatu sira tenke kuidadu fíziku hodi bele pasa iha prosesu ne’e,” nia afirma.
Nia dehan, ba ida ne’ebé mak la pasa iha prosesu rekrutamentu ne’e labele iha dezesperadu hodi hein fali iha tempu seluk.
Nia esplika, prosesu rekrutamentu ne’e sei foti ida ne’ebé valór boot no tuir aplikasaun kuota munisípiu hanesan iha ida kuota ema na’in-20 ne’e entaun sei bolu tuir númeru ordinariu ne’ebé iha ida to’o 20.
“Tanba ne’e husu ba kandidatu sira labele hamate imi-nia telemovel tanba komisaun sei kontaktu imi molok ba tuir teste médiku,” nia fó hanoin.
Nia dehan, kuandu kandidatu ida mak falta ka moras iha prosesu faze teste médiku ne’e komisaun sei elimina nia no sei bolu fali kandidatu tuir fali númeru orden tuir nian.
“Rezultadu vaga ba iha rekrutamentu ida-ne’e ami entrega ona ba prezidente komisaun juri no prezidente komisaun juri ba rekrutamentu ne’e hato’o ona ba Ministru Interiór,” nia informa.
Jornalista: Natalino Costa
Editór: Evaristo Soares Martins
