OEKUSI, 09 Fevereiru 2026 (TATOLI) – Durante fulan-Janeiru 2026 ne’e, Komandu Polísia Nasionál Timor-Leste (PNTL) Rejiaun Administrativa Espesiál Oekusi Ambeno (RAEOA), arrekada reseita ba kofre Estadu hamutuk $5.372, husi infrasaun tránzitu no Postu Integradu Fronteira (PIF)
“Taxa ne’e rekolla husi fonte tolu, husi Postu Integradu Fronteira (PIF) Sakato ho Oésilo no husi komandu rasik liuhusi Seksaun Tránzitu Rodaviária, ne’ebé iha Janeiru tinan ne’e, ita hatama ona ba kofre Estadu hamutuk $5.372,” nia hateten ba jornalista sira iha Oekusi, ohin.
Notísia relevante:DRTT Oekusi reabilita ona sinál tránzitu husi fronteira Sakato to’o terminál Tono
Komandante PNTL ne’e, esplika, reseita hirak-ne’e, rekolla liuhusi Postu Integradu Fronteira sira movimentu tama no sai tenki selu ba Estadu, ba infrasaun husi tranzitu nian, kabe ba sansaun ba sidadaun ne’ebé kondus motorizada la uza kapasete, laiha karta kondusaun, dokumentu laiha, inklui asidente trafegu tantu motorizada, karreta no tum-tum.
“Polísia Tránzitu no Seguransa Rodoviária, sei kontinua nafatin halo fiskalizasaun kontrola movimentu transporte iha estrada públiku, hodi asegura utilizadór estrada sira, ne’ebé husu sidadaun hotu presiza kumpre regra ne’ebé hatuur ona iha lei,” nia apela
Notísia relevante:Motorizada ilegál 1.919 iha Oé-Cusse hahú rejista atu hetan dokumentu
Jornalista: Abílio Elo Nini
Editór: Rafael Ximenes de A. Belo
