DILI, 28 Fevereiru 2026 (TATOLI)-Prezidente Estadu Unida Amérika, Donald Trump, hatete iha loron-sábadu (28 Fevereiru) katak hahú ona operasaun kombate boot hasoru Iraun.
“Operasaun kombate boot sira iha Iraun. Ami-nia objetivu mak defende povu norte-amerikanu hodi halakon ameasa iminente sira hosi rejimi iranianu,” hatete hosi Trump iha vídeo ida ne’ebé fahe iha rede sosiál sira.
Nia hatete katak Iraun nunka bele iha arma nukleár ida no katak Iraun tenta atu harii fali nia programa nukleár.
Trump hatutan militár norte-amerikanu hala’o hela operasaun ida ne’ebé “boot no kontinua”.
“Ami sei estraga sira-nia misil sira no harahun sira-nia indústria misil nian ba rai.”
Nia mós hatete katak EUA sei “anikila” mariña Iraun nian.
Ninia deklarasaun sira mosu hafoin Izraél hatete katak lansa ona atake preventivu ida hasoru Iraun iha loron-sábadu, hodi dudu Médiu Oriente ba konfrontu militár renovadu ida.
Responsável iranianu ida hatete ba Reuters katak Teeraun prepara hela ba vingansa, ho resposta ne’ebé sei sai maka’as.
Notísia relevante: Izraél lansa atake ‘preventivu’ hasoru Iraun iha koordenasaun ho EUA
