CLN iha foos tonelada 1.200
DILI, 10 Marsu 2026 (TATOLI) – Prezidente Sentru Lojístika Nasionál (CLN, sigla portugés), António de Araújo Soares, hateten foos iha armazein CLN hamutuk tonelada 1.200 no hare-kulit 1.500.
Tanba ne’e, relasiona ho funu iha Médiu Oriente, tenke aprezenta urjente ba ministériu tutela atu hola desizaun sira tanba nasaun tenke iha rezerva foos tonelada rihun 30 hodi bele aguenta to’o fulan haat ka lima, kuandu iha situasaun emerjénsia ruma.
“Tanba ita iha konsumu konsumu foos kada fulan tonelada 1.200. Daudaun stock iha armazein tonelada 1.200, no hare-kulit 1.500 no ita sei simu tan foos importadu ne’ebé sosa hamutuk tonelada 1.580. Nune’e, foos sira ne’e mai no hare-kulit ne’ebé iha bainhira dulas hotu pur volta foos tonelada rihun 3-resin”, António Soares hateten ohin.
Nia dehan foos importadu ne’ebé tinan ne’e CLN sosa ne’e mai husi nasaun Índia ho orsamentu la liu millaun $1.
CLN halo akizisaun ba foos iha tinan ne’e natoon de’it tanba haree situasaun la’o normál, maibé hafoin sosa tiha masu mosu tensaun iha Médiu Oriente, entaun ba oin CLN sei halo esforsu másimu, nune’e Governu mós bele foti medida ruma.
Notísia relevante: Tinan 2026, CLN prevee millaun $1.500 sosa hare-kulit iha rai-laran
Jornalista: Arminda Fonseca
Editora: Maria Auxiliadora
