KAK sensibiliza papél kombate no prevensaun hasoru korrupsaun iha iha Kovalima
KOVALIMA, 27 Marsu 2026, (TATOLI) – Komisaun Antí Korrupsaun (KAK), sensiliza papél Komisaun Antí Korrupsaun nian kona-ba kombate no prevensaun hasoru korrupsaun ne’ebé prevista iha lei Medida Prevensaun no Kombate Korrupsaun (MPCC, sigla portugés) iha munisípiu Kovalima.
Iha sensibilizaun ne’e ho tema “Papél Juventude ba Prevene no Kombate Korrupsaun” ho sub-tema “Hamutuk ho foinsa’e sira kontra korrupsaun: Determina integridade iha loron aban”
Prinsípiu Antí Korrupsaun mak hanesan; prinsípiu legalidade, prinsípiu toleránsia zero, intrese públiku imparsialidade no igualdade, konfidensialidade, independensia no autonomia téknika, kooperasaun institusionál no prinsípiu boa utilizasaun ba bens materiál KAK nian.
Atu halo prevensaun ba korrupsaun depende atitude husi pesoál hodi kumpri baze legál sira ne’ebé mak vigora ona tanba fahe rua mak hanesan; Korrupsaun ativa no pasiva.
“Ami mai hala’o sosializasaun (sensibilizasaun) iha eskola sekundáriu, ba juventude sira iha AHHA Education Sols, ba lidér komunitária sira tanba planu asaun anuál KAK nian oinsá mak fó valorizasaun papél KAK ba alunu no juventude nune’e halo prevensaun no kombate korrupsaun no lei anti korrupsaun,” Adjuntu KAK, Komsáriu Rosário Salsinha Araújo, ko’alia iha salaun AHHA Education, aldeia Sanfuk, postu administrativu Suai, munisípiu Kovalima, sesta ne’e.
Nia esplika, KAK presiza sensiliza informasaun nune’e autoridade no alunu sira bele iha koñesimentu kona-bá misaun KAK nian iha medida prevensaun no kombate korrupsaun.
Iha sorin seluk, Jerente AHHA (Achieve Higher Human Ability) Education, Francisco de Jesus, sente kontente tanba Komisaun Antí Korrupsaun bele partilla informasaun kona-bá sira-nia papél.
“Ami Sente kontente, tanba bele partilla informasaun kona-bá papel KAK oinsá ita atu prevene ita-nia aan husi korrupsaun,” Jerente ne’e felisita atividade KAK nian.
Notísia relevante: CAC halo introdusaun lei MPCC ba kargu xefia-setór privadu sira iha Oekusi
Jornalista: Celestina Teles
Editór: Evaristo Soares Martins
