DILI, 19 Abríl 2026 (TATOLI) – Xineza na’in -rua ne’ebé suspeitadu lori osan $100 falsu hodi ba troka iha loja Centro iha Prai dos Coqueiros iha semana kontuk sai ona iha domingu (19/4) ohin husi territoóriu Timor-Leste ba fali ona sira-nia nasaun orijen Xina.
Sidadaun na’in rua ne’e lori osan falsu $100 ba hola sasán dala rua hodi troka iha loja Centro ne’ebé lokaliza iha Praia dos Cuqueiros Dili, hafoin Xineza na’in rua ne’e hola tiha sasán atu ba troka iha fatin selu nian, nune’e pesoál lori osan ne’e koko ba makina osan nian.
Maibé bainhira koko osan referida deteta katak osan ne’e falsu nune’e loja Centro rekuza hodi la simu osan ne’e.
Nune’e Xineza na’in rua ne’e ho ansi sai husi loja laran sa’e karreta ba liu, maibé Kamera vizilaánsia iha loja ne’e deteta sidadaun na’in rua ne’e nian oin, nune’e iha momentu ne’ebá sira kontaktu kedan polísia hodi buka tuir Xineza na’in rua ne’e.
Nune’e Servisu Informasaun Polísia inklui komunidade intelejeénsia buka tuir Xineza na’in rua ne’e.
Ho nune’e iha domingu (19/4) ne’e, antes tuku ualu dadeer iha ona Aeroportu Komoro hodi halo checking hodi ba sira-nia nasaun orijen Xina.
Nune’e Diresaun Servisu Investigasaun Kriminál simu informasaun husi intelejénsia Aeroportu Komoro katak sidadaun Xineza na’in tolu iha ona Aeroportu hodi halo viajen ho aviaun Citilink ba iha Bali no atu ba fali sira-nia nasaun orijen.
Hafoin DSIK simu tiha informasaun, Diresaun Servisu Investigasaun Kriminál lideradu husi Diretór DSIK Superintendente Xefe Polísia João Belo dos Reis ho ekipa ba kedan Aeroportu Komoro.
Maibé, iha prosesu atuasaun ne’e polísia tarde tanba sidadaun Xineza na’in rua ne’e halo ona check in no Servisu Migrasaun autoriza ona sidadaun na’in rua ba ona iha aviaun laran.
Bainhira polísia to’o Aeroportu atu halo kapturasaun ba sidadaun Xineza na’in rua ne’e lakonsege tanba aviaun prepara atu take off (semo) ona nune’e Diresaun Servisu Investigasaun Kriminál lakonsege halo kapturasaun ba sidadaun ne’e.
Diresaun Servisu Investigasaun Kriminál Nasionál dezloka ba Aeroportu Komoro hodi halo kapturasaun ba sidadaun Xineza na’in rua ne’e tanba suku informasaun husi Arguidu nain tolu ne’ebé suspeitadu ba osan fali ne’ebé foin daudaun husi DSIK ho komunidade intelenjénsia sira halo apreensaun no buska iha armazen ida iha Bidau Masaur tanba suspetadu rai osan falsu millaun $4-resin.
Iha sesta foin lalais ne’e bainhira Segundu Komandante Jerál PNTL Komisária Asistente Polísia Natercia Eufrasia Martins akompaña Primeiru-Ministru Xanana Gusmao ne’ebé vizita kuartel PNTL hateten, osan ne’ebé Diresaun Servisu Investigasaun Kriminál Nasionál hamutuk ho komunidade intelenjénsia sira halo apreensaun no buska iha loja ida iha Bidau Masaur hamutuk millaun 4-resin ne’e falsu, maibé ema balun uza hola sasán iha loja.
Nune’e mós molok ne’e Diretór Servisu Investigasaun Kriminál Superintendente Xefe Polísia Joao Belo dos Reis, hateten, polísia halo apreensaun ba osan falsu ne’e tanba ema balun uza hodi halo tranzisaun entaun prátika krime ne’e iha tanba polísia halo buska no apreensun ba iha armazen ida iha Bidau Masaur.
Notísia relevante:Tribunál aplika Prizaun Preventiva ba arguidu na’in tolu envolve kazu osan falsu
Jornalista: Natalino Costa
Editór: Rafael Ximenes de A. Belo
