KOVALIMA, 27 Abríl 2026 (TATOLI)- Xefe Departamentu Parke Eskolár, Benedictos Asa, relata iha 2026 ne’e Ministériu Edukasaun planu konstrui eskola hitu iha munisípiu Kovalima.
“Durante ne’e, Servisu Munisipál Edukasaun Kovalima submete proposta ba Ministériu Edukasaun atu konstrui eskola sira iha munisípiu Kovalima tanba ne’e iha 2026 ME sei konstrui eskola hitu iha munisípiu Kovalima”, Xefe Departamentu Parke Eskolár, Benedictos Asa informa dadus ne’e ba TATOLI,I.P iha Santa Rosa-Suai.
Eskola hitu ne’ebé mak Ministériu Edukasaun planea atu konstrui iha munisípiu Kovalima hanesan Eskola Sekundáriu Jerál Salele, Eskola Pré-eskolár bee-matan, Eskola Bázika Filiál Dato rua, EBF Dato Moris, Fatuloro,Goronto no EBF Lakonak.
Planu konstrusaun ho nia-orsamentu dezeñu no BOQ responsavel husi Ministériu Edukasaun tanba Servisu Munisipál Edukasaun Kovalima aprezenta de’it dadus. Prosesu atu halo konstruisaun iha tempu-badak atu halo konstrusaun maibé depende husi Ministériu Edukasaun (ME).
Tuir dadus husi Servisu Munisipál Edukasaun Kovalima realidade eskola ne’ebé mak presiza atu hadia balun laiha eskola husi pré-eskolár ba to’o ensinu sekundáriu balun seidauk iha mak laiha infraestrutura uza de’it eskola husi EBF no eskola Sekundáriu Jerál Fatumea no Salele provizóriu uza eskola filiál hodi hala’o prosesu aprendijazen.
“Ita presiza atu hadi’a eskola ensinu báziku 34 atu aumenta sala de aula,eskola ne’ebé Presiza atu hadia tanba dodok no rahun eskola pré-eskolár 20 no eskola Sekundáriu rua mak sei okupa eskola filial sira nia eskola hodi hala’o prosesu aprendijazen” nia dehan.
Tuir dadus eskolár pré-eskolár 44, Ensinu Bàziku Filiál 74 inklui ho eskola privadu sira, Eskola terseiru siklu 24, eskola Sekundáriu Jerál 7 no TEKVOK 3.
Jornalista:Celestina Teles
Editór: Florencio Miranda Ximenes
