KOVALIMA, 29 Abríl 2026 (TATOLI)- Autoridade Munisípiu Kovalima liuhusi Servisu Munisipál Aprovizionamentu daudaun-ne’e loke ona konkursu públiku ba empreza sira atu submete dokumentu hodi implementa projetu Dezenvolmentu Integradu Munisipál (PDIM) 11 iha Kovalima.
“Ita iha projetu 11 ne’ebé projetu ho kategoria projetu A haat no projetu kategoria B projetu hitu ne’ebé nia fundu mai husi kapitál Dezenvolmentu, nune’e hahú loke ona konkursu públiku ba empreza sira atu submete sira nia dokumentu hodi konkorre iha konkursu públiku ne’e ba iha prosesu pre-kualifikasaun”, Diretór Servisu Munisipál Aprovizionamentu Kovalima, Roberto Alvaro Gomes, informa ba jornalista iha AMC-Suai.
Autoridade Kovalima loke konkursu públiku ba empreza sira atu konkorre iha konkursu públiku bazeia ba artigu 28 husi Diploma Ministeriál númeru 19/2023, 16 Outobru hodi konvida empreza lokál Pré-kualifikadu hodi submete proposta hodi implementa projetu PDIM iha munisípiu Kovalima.
Ho nune’e Dirijente aprovizionamentu husu empreza lokál sira atu supmete dokumentu hodi konkore iha konkursu públiku atu implementa projetu PDIM iha Kovalima.
Iha 2026 Autoridade Munisípiu Kovalima sei implemeta projetu PDIM hamutuk 11 nia orsamentu hamutuk $ 2,647.446.16
Tipu projetu PDIM ne’ebé implementa iha Kovalima mak hanesan konstrusaun knaal irrigasaun Tafara ho kustu projetu hamutuk $ 188,722.70 ,Konstruisaun Postu Saúde no rezidénsia pesoál médiku iha Fatuloro Suku Taroman, postu Administrativu $ 389,258.43,
Konstruisaun Postu Saúde no rezidénsia pesoál médiku Suai Loro iha postu Administrativu Suai projetu ho valór $ 360,831,95,
Konstruisaun Postu Saúde no rezidénsia pesoál médiku Suku Asecai ,postu Administrativu Zumalai ho valór projetu $ 406,873,44 , Konstruisaun Postu Saúde no rezidénsia pesoál médiku Suku Cassabauk Tilomar $ 352,623,02, Konstruisaun Postu Saúde no rezidénsia pesoál médiku Suku Matai postu Maucatar $ 369,536,44
Rehabilitasaun baleta Merkadu Tabako Lot no mota karau ulun $ 144,378,76,Konstruisaun edifisiu servisu Munisipál Agrikultura kovalima $ 214,370.61 ,konstruisaun , Merkadu postu Fohorem $ 122,836.20 , rehabilitasaun be’e moos iha Aldeia Manulor Postu Maucatar $ 43,802,65 no Re- habilitasaun mini Merkadu postu Fatululik $ 54,211,95 .
Jornalista:Celestina Teles
Editór: Florencio Miranda Ximenes
