KOVALIMA, 26 Juñu 2026(TATOLI)- Prezidente Autoridade Munisípiu Kovalima, Sesta-ne’e, hala’o atividade prosesaun no tau ai-funan ho sunu lilin hodi presta omenajen ikus ba saudozu Francisco Guterres Lú Olo ne’ebé haloot ona iha jardim eroi Metinaro.
Autoridade Kovalima hala’o atividade prosesaun ne’e hahú husi Resin Administrasaun Munisípiu Kovalima ba to’o iha Monumentu Masakre Setembru Negro 1999 hodi tau ai-funan no sunu lilin.
“Ema Kovalima-oan iha sentidu boot respeitu no konsiderasaun ba saudozu hanesan funu-na’in, eis Parlamentu Nasional no eis Prezidente Repúblik, ho nune’e hala’o presta omenajen ikus iha munisípiu”, Prezidente Autoridade Munisípiu Kovalima, Miguel Armada Cardoso,hato’o hafoin sunu lilin no tau ai-funan iha Momentu Masakre Semtebru Negro.
Autoridade Kovalima ne’e dehan, Kargu prezidente Republika bele troka Malu, maibé funu-na’in ho naran Lú Olo se de’it labele troka tanba ne’e presiza sidadaun hotu nia resepita.
“Hakarak konvida ita atu banati tuir hodi kontinua respeita malu, hametin unidade nasional hanesan saudozu hatudu tanba nia la’os ba grupu ida ni’an, maibé ba Timor tomak”, nia afirma.
Jornalista:Celestina Teles
Editór:Florencio Miranda Ximenes
