OEKUSI, 10 Jullu 2026 (TATOLI) – Durante fulan neen, hahú husi Janeiru mai to’o Juñu 2026 ne’e, Diresaun Rejionál Transporte Terrestre no Komunikasaun (DRTTC) iha Rejiaun Administrativa Espesiál Oekusi Ambeno (RAEOA) rekolla reseita ba konfre Estadu husi Portuáriu Iwao Kitahara Mahata hamutuk rihun $24, 220.47,
Diretór Diresaun Rejionál Transporte Terrestre no Komunikasaun Oekusi (DRTTC), Domingos de Almeida, hateten, reseita rekolla mai husi transporte marrítima sira inklui kanalizasaun bee-moos.
“Liuhusi Portu Iwao Kitahara Mahata, ita konsege rekolla rihun $24, 220.47, mai husi ró success, konsege hetan rihun $10,528.75, husi kanalizasaun bee-moos konsege hetan $3.540, mer-celena ka ró sira-ne’ebé hatama mina, ita konsege hetan $10,151.72,” nia hateten iha Oekusi, ohin.
Notísia relevante:JICA sei halo estudu idrográfika iha Oé-Cusse atu dezenvolve portu Mahata
Aleinde ne’e mós reseita mai husi fronteira Sakato no Oésilo konsege rekolla $1,260.00, durante fulan ida nian, iha fulan-Maiu tanba RAEOA foin mak aplika lei foun.
“Husi Fronteira Sakato, ita hetan $1,170.00 no husi fronteira Oésilo hetan $90.00, reseita foin fulan ida de’it tanba ita implementa lei ne’e iha fulan-Maiu, ne’ebé reseita hirak-ne’e, hothotu hela iha RAEOA tanba konta bankária Oekusi nian,” nia hateten.
Notísia relevante:Janeiru-Juñu 2026, Diresaun Transporte Oekusi arrekada rihun $114-resin ba kofre Estadu
Jornalista: Abílio Elo Nini
Editór: Rafael Ximenes de A. Belo
