DILI, 15 Jullu 2026 (TATOLI)—Diretór Ezekutivu aviaun komersiál Citilink, Fernando da Silva, klarifika katak informasaun ne’ebé espalla iha mídia sosiál kona-ba aviaun Citilink ho nú voo QG501 tun ka aterra sala iha Aeroportu Internasionál Prezidente Nicolau Lobato (AIPNL) ne’e “Hoax”.
“Informasaun ida dehan aviaun Citilink tun sala ne’e la loos, tanba aviaun refere halo hela operasaun hanesan normál. Daudaun ne’e tula hela pasajeiru sira husi Timor ba Bali, kuazé agora sira to’o ona iha Flores,” Diretór Ezekutivu aviaun komersiál Citilink, Fernando da Silva, informa ba Agência Tatoli liuhusi telefónika, ohin.
Nia hateten, imajen refere ema hasai iha loron tersa (14/07) ne’e bainhira Governu halo hela despezu administrativu iha área Beto Marinir nian, entaun aviaun tun asesu ho neineik atu ba para ne’e mak ema hasai fotográfia.
“Tanba ne’e, ha’u husu ba autoridade seguransa PNTL sira bele halo investigasaun ba informasaun anónimu ida-ne’e tanba situasaun hanesan ne’e la’ós halimar, tanba aviaun ne’e tula ema la’ós tula animal,” bnia dehan.
Nia hatutan, informasaun falssa ka hoax ne’ebé espalla ne’e ladi’ak no sira mós parte Citilink klarifika ona informasaun loloos iha sira-nia pájina ofisiál Timor Airways SA.
Jornalista : Alexandra da Costa
Editór : Cancio Ximenes
