Juñu rejista inflasaun 0,2%
DILI, 21 Jullu 2026 (TATOLI) – Índise Presu Konsumidór (IPK) ba fulan-Juñu 2026 rejista inflasaun 0,2%, kompara ba fulan-Maiu, ne’ebé sa’e mós 0,2%, haktuir husi dadus Institutu Nasionál Estratístika Timor-Leste (INETL).
Tuir dokumentu INETL, mudansa presu grupu hotu 0,2% tanba hetan kontribuisaun husi grupu hahán no bebidas la’os alkólika sa’e 0,3%, komunikasaun 0,4% no transporte sa’e 0,1%.
Enkuantu grupu ekipamentu no manutensaun mobiliáriu uma-laran tun 0,4%, hatais no sapatu tun 0,3% no alkoól no tabaku 0,1%, ne’ebé sai hanesan mudansa kontráriu ba inflasaun mensál grupu hotu.
“Grupu hahán no bebida la’ós alkoólika sa’e 0,3% tanba hetan impaktu maioria husi subgrupu mina no bokur sa’e 2,5%, modo-tahan 0,5%, foos 0,2%, masin-midar, marmelada, bani-been, xokolate, hahán midar sa’e 0,3%, no ai-fuan 0,6%”, refere komunikadu.
Nune’e ba subgrupu kafé, xá no kokoa tun 2,0%, susubeen, keiju no manu-tolun 1,0% no na’an 0,1%, ida-ne’e sai hanesan mudansa kontráriu ba inflasaun grupu hahán no bebida la’os alkólika ba Juñu 2026.
Mudansa persentajen IPK anuál sa’e 0,5% tanba kompara entre fulan-Juñu tinan 2026 no Juñu 2025 hetan kontribuisaun husi grupu hahán no bebida la’os alkólika sa’e 0,8%, transporte (7,0%), edukasaun (0,3%), uma (0,5%) no komunikasaun (0,1%) ba anuál Juñu 2026.
Ba grupu alkolno tabaku tun 2,8%, ekipamentu no manutensaun mobiliáriu uma-laran 1,6%, rekreasaun no kultura tun 0,6% no hatais grupu alkol no tabaku tun 2,8%), ekipamentu manutensaun mobiláriu uma-laran tun 1,6%, rekreasaun sapatu tun 0,2%, sai hanesan mudansa kontráriu ba inflasaun grupu hotu ba anuál Juñu 2026.
Inflasaun tradeable sa’e 0,2% no non-tradeable laiha mudansa 0,0% iha mensál, kompara entre fulan-Juñu 2026 no Maiu 2026. Inflasaun tradeable sa’e 0,2% no non-tradeable mós sa’e 1,0% iha anuál kompara entre fulan-Juñu 2026 no Juñu 2025.
Notísia relevante: IPK Maiu rejista inflasaun 0,2%
TATOLI
