Kuba denunsia sansaun foun hosi EUA hasoru ofisiál no empreza sira

DILI, 21 Agostu (TATOLI) – Ministru Negósiu Estranjeiru kubanu, Bruno Rodriguez, iha loron-kinta ne’e denunsia sansaun sira ne’ebé aumenta hosi Washington hasoru ofisiál no entidade kubanu sira, hodi akuza Estadu Unidu Amérika (EUA) buka deliberadamente atu estrangula ekonomia illa nian no sobu abilidade governu nian hodi fornese servisu báziku sira.

Iha post ida iha X, Rodriguez krítika Sekretáriu Estadu norte-amerikanu Marco Rubio tanba nia “obsesaun ne’ebé falla hasoru Kuba” hafoin Estadus Unidus fó sansaun ba ofisiál superiór sira hosi Institutu Amizade Kubanu ho Povu sira (ICAP), inklui Prezidente ICAP Fernando Gonzalez Llort, Primeiru Vise-Prezidente Noemi Ramona Rabaza no Diretór Fernande Amérika Norte Martinez.

Rodriguez subliña katak ICAP promove “amizade, solidariedade internasionál, justisa no dame”, kontráriu tebes hosi saida maka Rubio promove kleur ona liuhosi nia polítika sira.

Notisia relevante: Fallansu rede elétrika husik Kuba iha nakukun

Sansaun sira ne’ebé alargada ne’e alvu mós ba entidade prinsipál sira iha setór metal sira no mineiru sira, no mós empreza sira ne’ebé envolve iha komérsiu, importasaun sira no serbisu sira laborál nian ne’ebé apoia produsaun, komérsiu no fornesimentu sasán metalúrjiku, produtu mineiru no ekipamentu industriál sira.

Medida foun sira marka eskalasaun ida ne’ebé luan liu iha polítika Washington nian hasoru Havana dezde fulan-Janeiru nia rohan.

Tuir asaun militár sira Estadus Unidus nian hasoru Venezuela no Iraun iha inísiu tinan ida-ne’e, Prezidente Estadus Unidus nian, Donald Trump, ameasa katak “Kuba maka tuirmai”, hodi aplika blokeiu petróleu nian no intensifika embargu ida ne’ebé maka iha kleur ona hodi hapara liña ekonómika nasaun illa nian.

Notisia relevante: Timor-Leste husu atu hakotu embargu ba Kuba no reafirma solidariedade bá povu kubanu

Fonte: Xinhua