COVALIMA, 14 juñu 2021 (TATOLI) – Populasaun Munisípiu Covalima nian, ohin, hahú simu ona vasina AstraZeneca ba doze daruak nian.
Notísia Relevante : Vasina AstraZeneca to’o ona iha Covalima
Administradór Munisípiu Covalima, Francisco de Andrade, iha salaun Administrasaun Covalima, lansa ona vasina AstraZeneca doze daruak ba liña frente sira hodi kontinua vasina doze dahuluk ba populasaun sira.
Francisco de Andrade mós husu apoiu hosi parte seguransa ba pesoál saúde sira ne’ebé hala’o servisu iha terrenu no autoridade postu administrativu ho autoridade suku sira kontinua akompaña atividade vasina iha komunidade.
“Nu’udar autoridade Munisipál ho komandante sala situasaun, ami prontu servisu hamutuk ba prosesu vasina ne’e atu bele hakotu ona korrente COVID-19 ne’e iha Covalima,” Francisco Andrade hateten.
Jornalista : Celestina Teles
Editór : Francisco Simões
