DILI, 15 juñu 2021 (TATOLI) – Xefe delegasaun Timor-Leste ba jogu Olimpics Games, Mateus da Cruz, informa atleta na’in-haat ne’ebé atu ba partisipa iha Olics Games iha Tokyou, Japaun, vasina hotu ona.
“Agora ita tama ona iha preparasaun ikus nian mak hein de’it atu arranka, kona-bá COVID-19 nian hanesan teste vasina-sira halo hotu ona, entaun sira hein arranka de’it ona,” Mateus da Cruz hateten ba Agência Tatoli iha sede Komité Olímpiku Timor-Leste (CONTL-sigla Portugés), Dili, tersa ne’e.
Nia dehan, atleta hirak ne’e bainhira to’o iha Japaun sei halo mós preparasaun tuir ida-idak nia modalidade durante semana ida hafoin kompete iha jogu ne’e.
Hosi atleta na’in-haat ne’e, na’in-tolu loos ona, maibé ida hosi Taekwondo sei iha problema uitoan tanba ne’e CONTL sei hein konfirmasaun hosi federasaun internasionál.
“Atleta sira hamutuk na’in-haat, rua hosi federasaun nani nian, ida hosi atletizmu no ida hosi Taekwondo, maibé Taekwondo nian ami sei hein konfirmasaun hosi federasaun internasionál tanba pra-kualifikasaun iha Jordánia tanba nia la liu hosi ne’ebá ami sei hein rezultadu lai bele ba ka lae, entaun tolu de’it mak sei ba,” nia informa.
Jornalista : Hortencio Sanchez
Editór : Francisco Simões
