DILI, 05 jullu 2022 (TATOLI)–Ministru Defeza (MD), Filomeno da Paixão de Jesus, hateten, nia parte sei arranka bá Austrália hodi asina akordu kooperasaun ida ho Governu Austrália iha área marítima.
“Sira (Austrália) intensaun hato’o konvite ba ha’u hodi bá Austrália atu asina akordu kooperasaun ida ho sira. Akordu kooperasaun ne’e iha área barak, hanesan formasaun ba rekursu umanu Forsa Armada, ekipamentu no área oioin ne’ebé ita bele hetan hosi sira,” Ministru informa hafoin relata servisu ministériu ba Primeiru-Ministru, Taur Matan Ruak, iha Palásiu Governu, tersa ne’e.
Notísia relevante: Austrália komprometidu kontinua apoia F-FDTL asegura fronteira tasi
Nune’e, tempu besik Ministru Defeza sei arranka bá Austrália hodi selebra asinatura ne’e ho Ministru Defeza Austrália.
Antes ne’e, Austrália apoiu ona FALINTIL-Forsa Defeza Timor-Leste (F-FDTL), espesialmente ba Komponente Navál, ba oferta ró rua ne’ebé tempu badak sei to’o Timor, konstrusaun ponte kais iha Hera, apoiu formasaun rekursu umanu no seluk tan.
Jornalista : Antónia Gusmão
Editora : Julia Chatarina
