DILI, 13 abríl 2023 (TATOLI)–Prezidente Komisaun Nasionál Eleisaun (CNE), José Agostinho da Costa Belo, hateten kona-ba edukasaun sívika ne’e CNE fó prioridade liu ba joven sira-ne’ebé atinje ona idade 17.
“Iha prosesu edukasaun sívika ne’e, ita fó liuliu ba joven sira-ne’ebé atinje ona 17. Ita fó prioridade no liu-liu sira-ne’ebé iha foho, ema ladún iha asesu atu nune’e para sira mós bele partisipa iha eleisaun,” nia dehan ba Agêbcia Tatoli, hafoin partsisipa iha konferénsia nasionál ho tema ‘A Fraternidade Humano Como Factor Essencial para a Consolidação da Páz e da Estabilidade Democrativa”, iha salaun Laline Larigutu, Colmera, kinta ne’e.
Nia dehan, CNE hakarak atu atu fó ba ema hotu-hotu maibé depende ba orsamentu.
Liuhosi edukasaun sívika mak bele fó hanorin povu, nune’e bele eleva taxa partisipasaun iha eleisaun parlamentár 2023. Edukasaun sívika ne’e hodi aprezenta prosesu eleisaun parlamentár ne’ebé sei realiza iha loron 21 marsu 2023.
“Eleisaun Parlamentár la’o di’ak presiza ema hotu-hotu ninia kontribuisaun ba iha prosesu eleisaun nian hodi deside futuru nasaun Timor-Leste ba prosesu dezenvolvimentu,” nia dehan.
Jornalista : Osória Marques
Editór : Cancio Ximenes
