DILI, 22 maiu 2023 (TATOLI)–Sektretariadu Tékniku Administrasaun Eleitorál (STAE), segunda ne’e (22/05/23), finaliza ona kontajen votu eleisaun parlamentár 2023 hosi munisípiu sira, ho rezultadu final provizoriu hatudu CNRT hetan votu maiória 279,486 (41,53%) hodi hetan kadeira 31 no PLP hetan kadeira haat (4).
Tuir rezultadu kontajen, votu maiória daruak mak partidu FRETILIN ho votu 173.910 (25,84%) hetan kadeira 19; fatin datolik okupa hosi Partidu Demokrátiku (PD) ho votu 62.606 (9,30%) hetan kadeira neen (6); fatin dahaat okupa hosi Partidu Kmanek Haburas Unidade Nasionál Timoroan (KHUNTO), 50.285 (7,47%) hetan kadeira lima (5); Dalimak okupa hosi Partidu Libertasaun Populár (PLP) ho votu 40.136 (5,96%) hetan kadeira haat (4); Partidu os Verdes (PVT) 24,110 (3,58%); Partidu Unidade Dezenvolvimentu Demokrátiku (PUDD) ho votu 21.106 (3,14%).
Partidu Asosiasaun Popular Monarkia Timorense (APMT) ho votu 6.405 (0,95%); Partidu Centro Ação Social Democrata Timor-Leste (CASDT) ho votu 3.107 (0,46%); Partidu Libertasaun Povu Aileba (PLPA) 3.226 (0,48%); Partidu Sosialista de Timor ( PST) 2276, Partidu Republikanu (PR) 1.530 (0,23%); Partidu Demokrata Timor (PDC) ho votu 1.233 (0,18%); Partidu Uniaun Demokrátiku Timorense (UDT) 1.209 (0,18%); Partidu Unidade Nasionál Demokrátiku Rezisténsia Timorrense (UNDERTIM) ho votu 1.001 (0,15%); Partidu Dezenvolvimentu Nasionál (PDN) 585 (0.09%) no Partidu Movimentu Libertasaun Maubere (MLPM) ho votu 637 (0,09%); Partidu Sosialista de Timor (PST) 2.358 (0,35%)
Hosi votu hirak ne’e, hetan votu nulu hamutuk 9.881, votu reklamadu 494, votu rezeitadu 55, votu branku 2.634, votu abandonadu 23 no votante ne’ebé vota ona hamutuk 686.022 hosi totál eleitór territóriu nasionál hamutuk 890.145.
Jornalista : Osória Marques
EDitór : Cancio Ximenes
