COVALIMA, 07 agostu 2023 (TATOLI)–Diretór Skretáriadu Tékniku Administrasaun Eeleirorál (STAE) munisípiu Covalima, Franciso Gusmão, hateten iha preparasaun ba eleisaun xefe suku nian ne’e STAE presiza rekruta Pesoál STAE Apoiu Suku (PSAS) no Pesoál STAE Apoiu Aldeia (PSAA) hamutuk-326.
“Ita-nia preparasaun ba eleisaun xefi suku ne’ebé agora daudaun ita anúnsiu ona vaga ba PSAS-PSAA hodi rekruta, nune’e sira bele organiza hodi forma meza asembleia. Tanba ne’e, ita presiza halo rekrutamentu hamutuk nain-326. Hosi ne’e, Pesoál STAE Apoiu Aldeia koloka 296 tanba kada aldeia sei destaka ema na’in-rua no ema na’in-30 koloka ba suku sei destaka ema na’in-ida,” Francisco Gusmão hateten ba jornalista sira iha nia kna’ar fatin, Kampung Baru, segunda ne’e.
Preparasaun atu hala’o eleisaun xefe suku ne’e, daudaun ne’e STAE Covalima anúnsiu ona vaga no kandidatu sira submete ona dokumentu PSAS-PSAA ne’ebé hahú anúnsiu vaga iha loron 31 fulan-jullu tinan 2023 sei ramata iha loron 11 fulan-agostu tinan 2023.
Tuir dadus, kandidatu ne’ebé submete ona dokumentu ba Sekretáriadu Tékniku Administrasaun Eleitorál sei menus hanesan munisípiu Covalima iha aldeia 148, maibé aldeia barak seidauk submete dokumentu ne’e ba STAE, nune’e sei prolonga tan tempu.
“Ita sei prolonga tan tempu tanba tuir dadus kandidatu ne’ebé submete dokumentu aldeia barak mak la submete dokumentu,” nia dehan.
Bazeia ba orientasaun katak bainhira kandidatu apoiu ba eleisaun suku no aldeia ne’ebé pasa iha vaga, sira sei servisu ba PSAS durante fulan ida no PSAA ho durasaun semana-ida ne’ebé halo rekrutamentu kada aldeia na’in-rua ho durasaun tempu semana rua no kada suku dezloka ema na’in-ida, ne’ebé servisu durante fulan ida.
Antes ne’e, STAE Covalima rejista totál eleitór mai hosi postu administrativu Fatululik, Fatumea, Fohorem, Fatumea, Tilomar, Maucatar, Zumalai no Suai hamutuk 49,469 ne’ebé ho nia suku 30 ho nia aldeia 148.
Jornalista : Celestina Teles
Editór : Cancio Ximenes
