DILI, 25 outubru 2023 (TATOLI)–Konsellu Ministru aprova projetu Dekretu, ne’ebé aprezenta hosi Vise Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, kona-ba apoia ba dezenvolvimentu setór privadu.
“Diploma ida-ne’e ho objetivu atu kria apoiu finanseiru espesiál ida ba asosiasaun sivíl sira sein fins lukrativu iha Timor-Leste, ne’ebé promove dezenvolvimentu setór privadu timor-oan, ne’ebé harii no rejista ona asosiasaun sira ne’e ho loloos iha loron ne’ebé diploma ida-ne’e hahú vigora,” refere nota ne’ebé Agência Tatoli asesu, hafoin reuniaun ezekutivu, iha Palásiu Governu, kuarta ne’e.
Notísia relevante : Ministru Transporte enkoraja setór privadu investe iha transporte aéreu
Montante totál hosi kada apoiu labele liu valór másimu $100.000 ba kada entidade benefisiária no limite mínimu 25.000 Montante globál hosi apoiu finanseiru ne’ebé atu fó labele liu $150.000.
Jornalista : Antónia Gusmão
Editora : Julia Chatarina
