DILI, 05 dezembru 2023 (TATOLI)—Ministériu Asuntu Kombatente Libertasaun Nasionál (MACLN, sigla portugés) ezekuta Orsamentu Jerál Estadu (OJE) 2023 atinje ona 88%.
“To’o 30 novembru 2023 ne’e, arsamantu ne’ebé aloka ba iha ministériu hamutuk $115.048.953 ne’e ezekuta hamutuk $101.211.87.58 no balansu $13.837.765.42,” Ministru Asuntu Kombatente Libertasaun Nasionál (MACLN, sigla portugés), Gil da Costa Monteiro”Oan Soru”, hateten ba Agência Tatoli hafoin halo audiénsia públiku ho Komisaun F, iha Parlementu Nasionál, segunda ne’e.
Tinan ne’e ministériu halo validasaun ba segundu rejistu tanba ekipa tékniku beisk finaliza ferifikasaun dadus veteranu jejistadu 2009, pagamentu pensaun, bolsa estudu, tratamentu saúde, kaixaun ba konsellu kombatente ne’ebé mate, apoia abitasaun desmobilizadu sira, kontribuisaun hodi finalizasaun estudos no sepultamento ba jardin erói.
Iha audiénsia púbklika ne’e, MACLN husu ba komsiaun F bele asesu liuhosi eletrónika sistema online, tanba tempu badak sei lansa sistema online atu deputadu sira bele asesu verifikasaun dadus liuhosi sistema online, hodi nune’e bele fasilita deputadu sira bele iha ona informasaun antes halo fiskalizasaun kona-ba asuntu veteranu liu-liu dadus veteranu.
Sistema online ne’e sei estabelese iha munisípiu 12 inklui RAEOA hodi fasilita sé de’it bele asesu informasaun.
Sistema online ne’e iha tempu badak sei lansa tanba sistema ne’e sei fó sai servisu hotu relasiona ho asuntu veteranu, sistema ne’e sei fasilita komunidade hodi nune’ebele hatene serbisu hosi ministériu nian.
Jornalista : Osória Marques
Editór : Cancio Ximenes
