DILI, 09 Setembru 2024 (TATOLI) – Bainhira to’o iha Aeroportu Internasionál Prezidente Nicolau Lobato, timoroan na’in-rua simu Papa Francisco ho tara tais no fó ai-funan.
Aifunan ne’e fó husi timoroan feto no tais ne’e tara husi timoroan mane. Hafoin entrega ai-funan no tara-tais sira-na’in rua bensa Papa Francisco.
Hafoin ida ne’e, Prezidente Repúblika, José Ramos Horta, no Primeiru-Minsitru, Xanana Gusmão ba kumprimenta kedan Santidade Papa Francisco. Tuirmai membru Governu sira mós bá kumprimenta.
Iha aeroportu ne’e sarani sira mós husu bensa ba Papa no hakilar Viva Papa Francisco.
Papa to’o iha Dili ho Boeing 737 Air Niugini ne’ebé sai husi Aeroportu Internasionál Jacksons Port Moresby iha tuku 11 ho balun otl no to’o iha aeroportu Dili iha tuku 14h27.
Notísia relevante: Papa Francisco to’o ona iha Aeroportu Prezidente Nicolau Lobato
TATOLI
