DILI, 08 Setembru 2025 (TATOLI)—Ministériu Saúde liuhusi Servisu Nasionál Ambulánsia Emerjénsia no MÉdika (SNAEM) durante ne’e halo manutensaun ba Ró Ambulánsia, nune’e iha semana oin ne’e Ró Ambulánsia halo ona operasaun entre Dili-Atauro hodi tula pasiente sir aba-mai.
Notísia Relevante: Ró ambulánsia transfere ona pasiente 34 husi Ataúro mai HNGV
Diretór Jeáal SNAEM, Simplicio Amaral, hateten Ró Ambulánsia SNAEM halo ona manutensaun iha 29 Agostu 2025, ekipa SNAEM no empreza nasional (Timoroan) halo ona inspensaun no koko ró ba Ataúru ho kondisaun di’ak, maibé hein semana oin mai tan halo ona operasaun hodi tula pasiente sira.
“Husu ba komunidade Ataúru sira, ró ne’e maizumenus semana ita nia laran tan ne’e nia halo ona operasaun evakua pasiente husi Ataúro mai fali Dili,” Diretór ne’e hateten ba jornalista sira iha nia kna’ar fatin, Kaikoli, ohin.
Nia esplika, Róo Ambulánsia ne’e avaria kuaze tinan ida-resin ona, tanba ne’e la halo opersaun hjodi evakua pasiente sira husi Ataúru mia iha Dili.
“Ró avaria tinan ida-resin ona, entaun labele evakua pasiente sira iha tempu kalan husi Ataúru. Tanba ne’e mak agora ba oin tenke uza ró ne’e ho di’ak, atu nune’e ita bele normaliza fila-fali nia prosesu evakuasaun,” nia hateten.
Tuir nia, prosesu manutensaun daudaun ne’e la’o hela tanba ekipamentus sira-ne’ebé mak hadi’a Ró Ambulánsia la funsiona ho di’ak, no kompañia tenke hadi’a ho di’ak antes halo evakuasaun ba pasiente sira.
“Iha prosesu manutensaun ne’e la’o to’o tan ba semana rua, tanba momentu ba ne’e iha mákina no mina balun mak bocor ka ko’ak, tan ne’e empreza tenke hadi’a antes ita evakua pasiente. Tanba, ita asegura la’ós pasiente sira de’it, asegura mós pesoál saúde ne’ebé mak ita-nia kapitaun sira PK mak iha ne’ebá. Entaun, buat sira-ne’e tenke iha liuhusi prosesu aprovizionamentu, entaun empreza presiza haree antes entrega mai iha SNAEM tenke ho kondisaun di’ak,” nia dehan.
Nia relata, empreza ne’ebé halo manutensaun ba Ró Ambulansia ne’e, husi empreza lokál ka timoroan no manutensaun ne’e la hanesan ho karreta sira, tanba ne’e presiza tempu naruk.
“Empreza ne’ebé mak halo manutensaun, ha’u ladun lembra. Maibé, empreza timoroan ho nia maneira Ró Ambulánsia ne’e la hanesan ho karreta sira iha rai maran. Tanba, dalaruma nia pecas diferensa, sira tenke ba buka iha Indonézia, entaun han tempu uitoan. Karreta sira iha terrestre lalais loos maibé ida-ne’e tasi nian no bee nian diferensa uitoan,” nia dehan.
Entretantu totál orsamentu ne’ebé halo manutensaun ba Ró Ambulánsia ne’e hamutuk rihun $15 no tuir regra aprovizionamentu ne’e fulan tolu, maibé bainhira seidauk konklui ne’ e bele estende tan.
Notísia Relevante: Indonézia oferese ró ambulánsia ida ba MS
Jornalista : Felicidade Ximenes
Editór : Cancio Ximenes
