DILI, 01 Outobru 2025 (TATOLI)-Ministru Interiór (MI), Francisco da Costa Guterres, hateten kazu kona-ba jogu online ne’e Ministériu Interiór submete ona ba Miniatériu Públiku hodi kontinua halo investigasaun.
Notísia Relevante: Sergio Hornai: “Jogu online kontráriu ho lei, ita la admite”
“Jogu online ne’e agora ita husik ba Ministéria Públiku (MP) mak sei halo investigasaun, ita labele kahur nafatin buat ne’e iha ona justisa nia liman,” Ministru Francisco da Costa Guterres informa ba jornalista sira iha Palásiu Governu, tersa (30 Setembru 2025) ne’e.
Nia hatutan, prosesu ne’e justisa mak sei pronunsia buat ruma husi ne’ebá ne’e di’ak-liu. Se lae, ita mak halo komentáriu hela de’it to’o ikus ita mak diskute malu, maibé atu atualiz katak prosesu iha justisa ne’e la’o hela.
Nia dehan, bainhira Ministériu Públiku halo investigasaun ramata ona mak sira sei pronunsia faze tuir mai ba públiku, hodi hein desizaun husi Ministériu Públiku bainhira submete ona ba Tribunal Rekursu, tanba ida-ne’e segredu justisa nian entaun labele halo komentáriu barak ba asuntu ida-ne’e.
“Ida ne’e segredu justisa. Husik, ita la’o lai, depois ita haree took tanba ita iha hela estratéjia. Maske ita iha maneira liga ho Ministériu Públiku, maibé ha’u labele ko’alia kona ba ida-ne’e,” nia dehan.
Notísia Relevante: Kazu jogu online iha Oekusi, Tribunál aplika prizaun preventiva ba arguidu na’in-neen
Jornalista : Alexandra da Costa
Editór : Cancio Ximenes
