DILI, 24 Outubru 2025 (TATOLI)—Diretór Gabinete Lisensiamentu Rejistu Atividade Saúde iha Ministériu Saúde, Nuno Costa, informa husi 2019 to’o 2025 ne’e Ministériu Saúde (MS) rejistu ona kartaun profisionál saúde hamutuk rihun 14.621 iha Timor-Leste.
“Kartaun profisionál saúde Ministériu Saúde fó ne’e bazeia sira-nia diploma, tanba tenke iha hetan legalizasaun husi Ministériu Ensinu Superiór depois mak lori mak iha Minsitériu Saúde rejistu mak ita foin fó sira nia Kartaun profisionál bazeia ba sira-nia diploma. Se sira-nia diploma laiha signifika katak ita la fó kartaun profisionál maibé diploma mós área saúde nian. Iha ne’e área saúde lubuk ida ohin mensiona kompre rekezitu hotu mak ami fó kartaun profisionál ba sira tanba estranjeiru no timoroan,” Diretór Gabinete Lisensamentu Registu Atividade Saúde iha Ministériu Saúde, Nuno Costa, hateten ba jornalista sira, ohin.
Nia haktuir, Ministériu Saúde fó kartaun profisionál ne’e depende ba nesesidade husi utilizadór balun bainhira rekutamentu sira utiliza duni kritériu ida mós.
“Bainhira iha rekrutamentu vaga ruma sira utiliza duni. Ida-ne’e sai hanesan mós kritériu ida mós hanesa sira servisu iha unidade saúde primaria, hanesan mós rekezitu ida sira atu prienxe mós hanesan profísional saúde duni. Ida-ne’e mak sai evidénsia ba profisionál saúde sira,” nia dehan.
Ministériu Saúde hahú rejistu iha tinan 2019 bainhira Gabinete ida-ne’e harii ne’ebé iha departementu rua no tanba ne’e mak rejistu hamutuk 14.621, ho ninia preoridade haree liu ba novu graduadu sira.
Universidade sira-ne’e, agora motiva iha pur volta de 1.000 ital, ne’ebé iha tinan ida-ne’e sei gradua hotu signifika katak, bele simu ona diploma, bainhira iha ona diploma sira mai foti sira nia kartaun profisionál saúde,” nia ramata.
Diretór Gabinete Lisensamentu Rejistu Atividade Saúde iha Ministériu Saúde, Nuno Costa hateten iha Gabinete ida-ne’e departamentu rua ida mak lisensamentu ida mak rejistu akreditasaun atividade saúde.
“Iha rejistu atividade saúde ne’e, ita rejistu ita nia profisionál saúde iha territóriu laran tantu estranjeiru, tantu timoroan. Entaun nia objetivu prinsipál ita rekolla sira-nia dadus no mós sira-nia dokumentu nesesáriu sira hamutuk ho sira-nia diploma sira-ne’ebé sira submente mai, depois mak ita analiza ne’eba hodi bele fó sira nia direitu ba sira. Ezemplu, médiku, infermeiru tuir sira-nia grau akademiku sira entaun mai iha ne’e foin bele. Liuhusi dekreitu-lei númeru 81/2022, terseira alterasaun ne’e, iha ne’ebá temi Profisionál saúde ne’e momentu ita rejistu hamutuk 14 mill ital, ne’ebé iha ne’e mak ita foin sira-nia dokumentu ba nia kartaun, ba sira uza tuir nesesidade ne’ebé mak iha,” nia dehan.
Jornalista : Felicidade Ximenes
Editór : Cancio Ximenes
