DILI, 12 Marsu 2026 (TATOLI)—Ministériu Edukasaun (ME) liuhosi nia Gabinete Avaliasaun Lisensiamentu no Akreditasaun (GALA) anúnsia eskola sira-ne’ebé mak seidauk iha lisensamentu operasionál no mós eskola ne’ebé lisensiamentu operasionál kaduka.
Nota komunikadu hosi Ministériu Edukasaun (ME) ne’ebé TATOLI asesu iha Kinta ne’e katak anunsiamentu ne’e bazeia ba Despaxu Ministerial N.º 30/GM-ME/IX/2025, 30 Setembru, Alterasaun Despaxu Ministerial Nú. 03, 21 Janeiru, Relativu Suspensaun Konsesaun Lisensiamentu Operasional ba Estabelesimentu Internasionál Edukasaun Pré-Eskolar, Ensinu Báziku no Ensinu Sekundáriu orienta Gabinete Avaliasaun Lisensiamentu no Akreditasaun (GALA) hahú husi 01 Outubru 2025 atu retoma prosesu preparasaun ba pedidu foun ba eskola internasionál, naun lisensiadu no kaduka atu obrigatoriamente hahú prosesu aplikasaun iha fulan-Janeiru to’o Marsu 2026.
Nune’e, Gabinete Avaliasaun Lisensiamentu no Akreditasaun (GALA) kondús atividade hodi responde ba orientasaun, mak GALA organiza monitorizasaun no identifikasaun diretamente ba eskola internasionál hotu no konsege identifika eskola ne’ebé seidauk iha lisensiamentu operasionál no mós eskola ne’ebé lisensiamentu operasionál kaduka.
“GALA organiza divulgasaun informasaun no distribuisaun formatu aplikasaun ba eskola internasionál sira-ne’ebé identifikadu ona nune’e bele hahú submisaun dokumentu aplikasaun hahú husi 01 Janeiru to’o 31 Marsu 2026,” komunikadu hateten.
Eskola ne’ebé laiha lisensiamentu operasionál (Unlicensed) mak hanesan Funan International School Dili (Pre-Eskolar), Kameli International School Dili (Pre-Eskolar), Shine International School Dili (Pre-Eskolar), International School of Azevedo Marcal Dili (Pre-Eskolar, Ensinu Báziku no Sekundariu) Light House International School Dili (Pre-Eskolár, Ensinu Báziku no Sekundáriu), The Adventist International School (TAIS) Vikeke (Pre-Eskolár, Ensinu Báziku).
The Adventist International School (TAIS) Manufahi (Pre-Eskolár, Ensinu Báziku), The Adventist International School (TAIS) Lautein (Pre-Eskolár, Ensinu Báziku), The Adventist International School (TAIS) Baukau (Pre-Eskolár, Ensinu Báziku), International School Li’l Active Minds Manatutu (Ensinu Báziku), St. Paul Methodist Intemational School Dili (Sekundáriu), Eskola de Gracya Verdade International School Dili (Pre-Eskolár), Blessing International School Bobonaru (Pre-Eskolár) no Blessing International School Likisá (Pre-Eskolár).
Eskola ne’ebé lisensiamentu operasionál kaduka ka mate mak hanesan The Adventist International School (TAIS) Dili (Pre-Eskolár no Ensinu Báziku), St. Jude Thaddeus International School Dili (Pre-Eskolár, Ensinu Báziku no Sekundáriu), Heritage International School Dili (Pre-Eskolár, Ensinu Báziku) St. Marry International School Dili (Pre-Eskolár, Ensinu Báziku), St. Anthony International School Dili (Pre-Eskolar, Ensinu Báziku), International School Li’l Active Minds Manatutu (Pre-Eskolár), St. Paul Methodist International School Dili (Ensinu Báziku) no Eskola de Gracya Verdad International School Dili (Ensinu Báziku).
Jornalista: Osória Marques
Editór: Xisto Freitas da Piedade
