DILI, 25 Marsu 2026 (TATOLI)—Ministru Administrasaun Estatál, Tomás do Rosário Cabral, no Komisaun Funsaun Públika halo aprezentasaun ida ba Konsellu Ministru kona-ba relatóriu auditoria ba patrimóniu movel, inmovel no rekrutamentu forsa traballu iha Rejiaun Administrativa Espesiál Oekusi Ambenu (RAEOA),
Enkauntu prosesu auditória ne’e hala’o husi loron 01 fulan-Juñu tinan 2025 to’o loron 01 fulan-Marsu tinan 2026 iha RAEOA.
Relatóriu ne’e aprezenta pontu situasaun ida kona-ba jestaun rekursu umanu, patrimóniu no atividade administrativas iha RAEOA no mós identifika área sira-ne’ebé presiza hadi’a iha nivel planeamentu, organizasaun interna no mekanizmu kontrolu.
Aleinde auditória ne’e permite atu halibur informasaun atualizada kona-ba funsionamentu servisu no kontribui ba komprensaun di’ak liu kona-ba dezafiu ne’ebé iha, no mós nesesidade atu hametin prátika jestaun públika ho objetivu atu garante efisiénsia, transparénsia no kumprimentu ne’ebé di’ak-liu ba norma aplikavel sira.
Jornalista : Alexandra da Costa
Editór : Cancio Ximenes
