DILI, 22 Maiu 2026 (TATOLI)-Ministériu Planeamentu no Investimentu Estratéjiku (MPIE) iha Janeiru to’o 19 Maiu 2026 ezekuta ona Orsamentu Jerál Estadu (OJE) hamutuk $1.202.146,38 (27,93%), husi totál alokasaun $4.304.887.
Diretór-Jerál Administrasaun no Finansa iha MPIE, Celso da Costa Oliveira, hateten husi orsamentu alokadu ba ministériu, ezekuta ba programa jestaun finansa públika, funsionamentu dezenvolvimentu institusionál, inkluzaun sosiál, planeamentu no investimentu estratéjiku.
Tuir nia, husi orsamentu ne’e aloka ba kategoria saláriu no vensimentu $2.239.785, bens no servisu $1.722.602, kapitál menór $150.000, no kapitál dezenvolvimentu $202.500.
“Husi totál orsamentu ne’e, ita haree de’it nia ezekusaun 27,93%, maibé konta ho obrigasaun no kompromisu hamutuk 44,23%”, Celso da Costa Oliveira hateten ba Tatoli, ohin.
Husi verba ne’e, daudaun iha obrigasaun hamutuk $247.865,66, kompromisu $453.899,01 no balansu $2.400.975.95.
Ministru Planeamentu no Investimentu Estratéjiku, Gastao de Sousa, hateten ezekusaun OJE kada tinan iha trimestre dahuluk ne’e sempre ki’ik, bainhira sa’e ne’e iha de’it saláriu no vensimentu, maibé ba kategoria seluk prosesu hothotu la’o depoizde trimeste daruak.
Jornalista: Arminda Fonseca
Editora: Maria Auxiliadora
