DILI, 04 Jullu 2026 (TATOLI)—Arjentina hatudu nia jogu ho brillante hodi halakon Kabu-Verde Verde 3-2 iha Kopa Mundiál 2026, maibé ekipa selesaun Nasionál Kabu-Verde halo Messi ho nia kolega sira dada iis naruk bainhira aumenta Extra Time tanba iha minutu normál 90 ne’e empata ho golu 1-1.
Husi vitoria ne’e lori Arjentina ultrapasa ba jornada 16 kontra Ejiptu. Enkuantu Cabo Verde tenke elemina ona iha jornada 32.
Jogu ne’e realiza iha Estádiu Miami, sábadu dadeer oras Timor-Leste nian. Cabo Verde iha oportunidade dahuluk iha kontra-atake, maibé Ryan Mendes nia esforsu ikus hetan blokeiu hosi defeza arjentinu Facundo Medina.
Oportunidade dahuluk husi Arjentina mosu iha minutu 15, maibé Lionel Messi nia suta husi área penalti nia laran halai sees husi baliza sorin loos. Liutiha minutu tolu, bola livre hosi La Pulga salva hosi guarda-rede Cabo Verde Vozinha.
Arjentina halakon impase iha minutu 29. Simu bola liu hosi Lisandro Martinez, Messi halakon armadilha ofside nian no lansa suta ida hosi ângulu apertadu ne’ebé hetan iha kantu parte leten loos husi baliza Cabo Verde nian, dook hosi alkanse Vozinha nian.
Arjentina kuaze marka golu daruak iha minutu 45, maibé suta dook husi Enzo Fernandez salva husi Vozinha. Eskoru mantein 1-0 to’o intervalu.
Hafoin intervalu, Cabo Verde iha oportunidade oioin. Ryan Mendes iha suta ida ho distánsia dook iha minutu 50, maibé ida-ne’e liu baliza. Esforsu ne’ebé hanesan husi Deroy Duarte iha minutu 54 hetan salvasaun husi guarda rede Arjentina nian Emiliano ‘Dibu’ Martinez.
Cabo Verde halo empata iha minutu 59. Hahú hosi pasajen ida hosi Ryan Mendes hosi liman-loos, Deroy Duarte hatama suta ida ne’ebé maka sidi hosi Lisandro Martinez nia ain no tama iha kantu karuk hosi baliza Arjentina nian, hodi halo Dibu labele trava.
Arjentina hakfodak no koko atu halo vingansa. Messi hasoru malu ho Vozinha iha minutu 63, maibé nia suta ne’e salva hosi guarda rede veteranu ne’e. Liutiha minutu haat, Fernandez nia suta sai dook hosi sorin loos hosi baliza Cabo Verde nian.
Falta Deroy Duarte hasoru Messi iha minutu 72 rezulta livre ba Argentina, maibe esforsu Messi salva husi Vozinha. Kabesa husi Nico Gonzalez husi kantu minutu ida hafoin la konsege hetan alvu.
Arjentina iha penalidade iha minutu 90 hafoin bola aas Messi hasoru husi Alexis Mac Allister no kona Pico Lopes nia liman iha duelo aéreu. Maibé, árbitru deside katak ida-ne’e la’ós ho intensaun no jogu kontinua.
Leandro Paredes halo tiru ida ho distánsia dook iha tempu lezaun nian, maibé Vozinha salva ida-ne’e. Messi hafoin ne’e manán tan suta livre ida, maibé Vozinha salva fali ida-ne’e. Eskoru 1-1 iha tempu normál nia rohan.
Tempu adisionál
Enkuantu jogu avansa ba tempu adisionál, Lisandro Martinez marka golu husi suta kantu. Hein iha poste dook, nia halibur bola ne’ebé namlele.
Hafoin hetan kontrolu ba bola, Martinez deside suta diretamente ba baliza. Bola ne’e tama lalais ba rede, Vozinha labele para. Golu ida-ne’e ikusmai konsidera hanesan auto-golu ida hosi Diney Borges.
Hanesan Arjentina parese atu hetan vantajen, Cabo Verde konsege halo empata. Sidny Lopes Cabral marka suta espetakulár ida ho distánsia dook ne’ebé maka tama iha kantu karuk rede nian.
Tama ba segunda parte hosi tempu adisionál, Arjentina hetan fali vantajen 3-2 iha minutu 111. Husi suta kantu, kruzamentu Lionel Messi nian hatama ho ulun husi Cristian Romero.
Hafoin ne’e Cabo Verde ameasa baliza Arjentina nian iha minutu 115’. Suta livre husi Cabral dala ida ne’e salva ho di’ak husi Emiliano Martinez.
Liutiha minutu haat, Cabo Verde hamosu fali kaos iha área penalidade Arjentina nian. Maibé dala ida tan, sira la hetan susesu.
Ikusmai Arjentina mantein sira nia vantajen 3-2 to’o tempu adisionál, hodi asegura sira nia fatin iha oitavu finál Tasa Mundiál 2026 nian.
Iha tempu normál, Cabo Verde mantén Arjentina ho empata 1-1. Arjentina marka ona golu dahuluk liuhosi Lionel Messi iha primeira parte.
Maibé, Cabo Verde nia serbisu maka’as fó rezultadu bainhira Deroy Duarte halo empata. Deroy Duarte halakon Emiliano Martinez ho suta baixu ida hosi ângulu ne’ebé metin.
Alineasaun Jogadór Arjentina vs Cabo Verde:
Arjentina (4-4-2)
Emiliano Martinez, Nahuel Molina (Gabriel Montiel 104), Cristian Romero, Lisandro Martínez, Facundo Medina (Nicolas Tagliafico 86); Rodrigo De Paul (Leandro Paredes 84), Enzo Fernandez, Alexis Mac Allister, Thiago Almada (Nico Gonzalez 64); Lionel Messi, Lautaro Martinez (Julian Alvarez 63).
Cabo Verde (4-1-4-1)
Vozinha, Pico Lopes, Diney Borges, Sidny Cabral, Steven Moreira, Ryan Mendes (Willy Semedo 80), Laros Duarte (Jamiro Monteiro), Jovane Cabral (Helio Varela 80), Deroy Duarte (Jair Monteiro 100), Kevin Kevin (100), Pison Tail Nuno da Costa (Dairon Livaramento 67).
Jornalista : Hortêncio Sanchez
Editór : Cancio Ximenes
