DILI, 10 outubru 2022 (TATOLI) – Atleta ema ho difisiente Teófilo Freitas ho númeru kurida 902 ne’ebé halai iha kilometru 10, agradese ba Prezidente Repúblika, José Ramos Horta, tanba realiza eventu Dili Internasionál Maratona (DIM).
“Agradese tebes ba nain-Prezidente Repúblika ho nia inisiativa ne’ebé reativa hikas eventu ne’e, sente kontente tebes bele fó espasu mai ami ema ho difisiente bele kompete mós iha eventu ne’e,” hateten Teófilo ba Agência TATOLI iha Dili, segunda ne’e.
Notísia relevante: Atleta Quénia okupa primeiru lugár iha Dili Internasionál Maratona 2022
Prémiu bá atleta paralímpiku ba kategória km 10, ba atleta mane okupa husi atleta Teófilo Freitas no feto Dircia Fátima Amaral ba ketegória km 10. Prémiu no osan ne’ebé mak atribui ba kuartu klassifikadu to’o primeiru klassifikadu mak $250 to’o $ 1000.
Rute ne’ebé atleta sira kobre hahú ba km 10, hahú husi Palásiu Prezidensiál nia oin bá rotunda Prezidente Nicolao Lobato, liuhosi fali tasi ibun Praia kokeirus to’o Palasiu Prezidensial.
Prémiu ba atleta hosi kategória nasionál ba km 21 ba modalidade feto no mane, simu osan ho taxa, kuartu lugar to’o primeiru lugar simu prémiu ho osan ho valor husi $250 to’o $1.000.
Prémiu ba atleta ba kategória internasional hosi modalidade km 21 ba mane no feto husi sestu klassifikadu to’o primeiru klasifikadu simu taxa no osan husi $800 to’o $ 2000.
Nune’e mós, prémiu ba atleta kategória nasionál ba kategória km 21 ba mane no feto, mak primeiru lugar to’o sestu lugar mós hetan taxa ho osan ho valór hanesan mós ho atleta hosi internasionál.
Rute bá kategoria km 21 hahú hosi Palásiu Prezidensiál ba rotunda Prezidente Nicolao Lobato ba Praia dos Coqeiros, Palásiu governu no Palásiu Prezidensiál.
Notísia relevante: PR husu partisipante Dili internasionál maratona halo ezersísiu di’ak
Entretantu, atleta kategoria full maratona internasional ba kategória km 42, mak primeiru lugar feto ho mane okupa husi atleta hosi nasaun Kenya, Seroi Anderson Saitoti no Chesan Shelia Jepkosgel. No kategoria nasionál okupa husi Felisberto de Deus no Angela Freitas de F. Araújo.
Prémiu atleta kategoria full maratona nasionál no internasional hosi modalidade km 42 ba feto no mane, mak primeiru lugar to’o terseiru lugar hetan osan ho valor $ 3.000 to’o $4.000, enkuantu ba kuartu lugar no kintu lugar hetan ho montante $ 1.500 to’o $2.000.
Rute bá kategoria km 42 mak fó volta dala rua husi hosi Palásiu Prezidensiál ba rotunda Prezidente Nicolao Lobato ba Praia dos Coqeiros, Palásiu Governu no Palásiu Prezidensiál.
Vensedór ba taxa rotativa internasional feto no mane okupa husi nasaun Quénia mak hanesan, Seroi Anderson Saitoti no Chesan Shelia Jepkosgel ho prémiu $2.000.
Dili International Marathon partisipa hosi atleta ne’ebé mai hosi nasaun Indonézia, Portugál, Quénia, no Timor-Leste.
Notísia relevante: Ekipa Servisu Emerjénsia fó asisténsia médika ba atleta 22
Jornalista: Hortencio Sanchez
Editór : Florencio Miranda Ximenes
