DILI, 13 Novembru 2025 (TATOLI)–Ekipa Buibere Football Club dere Kulugisa FC ho skor 18-0 iha jornada dahaat primeira divizaun Liga Futeból Femininu Timor-Leste (LFFTL) ne’ebé hala’o iha Estádiu Munisipál Dili, Kinta ne’e.
Buibere FC ne’ebé iha pozisaun daruak tabela klasifikasaun tun iha kampu ho liña forte iha-ne’ebé hakarak gaña golu barak nune’e haforsa produtividade golu hodi mantein iha pozisaun dahuluk LFFTL.
Notísia relevante: Buibere FC kontinua hadi’a liña jogadora
Nune’e, jogu entre ekipa rua iha parte dahuluk rezulta Buibere FC lidera ho golu 10-0 iha-ne’ebé prodús husi jogadora sira hanesan Deonísia iha minutu 8, 26, 27, 30, 34 no 40, Isabelita iha minutu 17, 20, 22 no 43.
Enkuantu, iha parte daruak, Buibere FC aumenta tan golu ualu ne’ebé enxe liuhosi jogadora hanesa Natásia Perreia iha minutu 54, Deonísia Ailva iha minutu 58,61,63 no 90+1, Dircia minutu 72, Gracia minutu 90 no Cristina iha minutu ikus 90+2.
Ho rezultadu jogu entre ekipa rua, rezulta Buibere FC lidera provizoriamente lidera hikas tabela klasifikasaun ho pontu sia (9), rezultadu manán haat (4) ho produtividade golu +38, enkuantu Kulugisa FC iha pozisaun dasanuluk ho pontu 0, rezultadu derrota tolu (3).
Jornalista: Natalino Belo
Editór: Xisto Freitas da Piedade
