DILI, 08 Juñu 2025 (TATOLI)-Selebrasaun loron mundiál ba oseanu ne’ebe mundu tomak selebra inklui Timor-Leste mós selebra liuhusi realiza atividase semana oseanu durante loron neen, iha loron hitu nian realiza marsa karavana no iha loron determinasaun kontinua selebra ho misa agradesimentu ne’e realiza iha igreja Katedral, Vila Verde, Dili, ohin.
“Ohin loron ne’e mundu tomak selebra loron mundiál ba oseanu nian nune’e igreja mós promove limpeza iha área kosteira ne’ebe fó moris ba ita ema tanba oseanu hanesan bee matan ba ai-han ne’ebé nakonu ho ai-han tasi oioin”, Amu paróku igreja Katedral, Paulos Maia haktuir iha nia omília.
Amu lulik ne’e informa, Timor-Leste tenke haburas no prezerva tasi, tanba tasi nakonu ho rikusoin oioin maibé bainhira ita halo foer tasi sei fó ameasa ba ekosistema tasi nian.
Entretantu partisipasaun iha misa ida-ne’e kompostu husi entidade Governu no mós sarani sira.
Atividade sei kontinua lansa feira marítima hodi selebra loron mundiál oseanu iha Sentru Konvensaun Dili.
Jornalista: Alexandra da Costa
Editór: Florencio Miranda Ximenes
