DILI, 22 dezembru 2022 (TATOLI)—Ministru Administrasaun Estatál (MAE), Miguel Pereira de Carvalho, hateten planu operasionál hodi realiza eleisaun Parlamentar iha tinan 2023 ne’e, Governu liuhosi MAE prevee millaun $6 ba Sekretariadu Tékniku Administrasaun Eleitorál (STAE) hodi halo preparasaun.
Notísia Relevante: MAE propoin millaun $113 ba proposta OJE 2023
“Ita hatene katak eleisaun Parlamentar iha tinan 2023, iha tempu badak sei aprezenta relatóriu ba MAE hodi aprova nune’e bele halo preparasaun di’ak liután liga ho resensiementu eleitorál. Nune’e, Governu prevee millaun $6 ba STAE atu halao preparasaun,” Miguel Pereira de Carvalho hateten ba Agência Tatoli, iha resintu Palásiu Governu, kuarta ne’e.
Governu prevee Orsamentu Jerál Estadu ba MAE millaun $10 hodi realiza eleisaun parlamentár maibé osan ida-ne’e sei fahe ba entidade oioin hanesan Polísia Nasionál Timor-Leste (PNTL), STAE inklui Komisaun Nasionál Eleisaun (CNE, sigla portugés).
Notísia Relevante: Eleisaun parlamentár, STAE sei aumenta sentru votasaun 1.500 iha territóriu nasionál
Hosi osan ne’e, nia hateten, MAE aloka de’it millaun $6 ba STAE hodi realiza eleisaun parlamentar iha tinan oin.
Governu liuhusi Ministru Administrasaun Estatal propoin Orsamentu Jerál Estadu (OJE) 2023 hamutuk $113,183.197.
Notísia Relevante: OJE 2023: STAE prevee millaun $10 no $9 realiza eleisaun parlamentár-xefe suku
Jornalista : Osoria Marques
Editór : Cancio Ximenes
