DILI, 03 Fevereiru 2026 (TATOLI)–Ministru Ensinu Superiór, Siénsia no Kultura (MESSK), José Honório da Costa Pereira Jerónimo hateten, iha 09 Fevereiru 2026, hahú anúnsia lista estudante sira-ne’ebé mak asesu bá Universidade Nasionál Timor Lorosa’e (UNTL) no Institutu Politékniku Betanu (IPB).
“Ita halo korresaun hotu ona,” Ministru José dehan ba TATOLI iha resintu MSSI, Kaikoli, Dili, Tersa ne’e.
Notísia relevante: Inskrisaun estudante foun atu asesu UNTL no IPB iha Oekusi hahú
Membru Governu ne’e esplika estudante ne’ebé asesu ba IPB ho UNTL purvolta rihun lima (5), IBP 400 no restu ne’e tama ba UNTL.
“Ita haree ba sira-nia valór hanesan ita labele husik iha li’ur. Ba medisina, rigór uitoan tanba valór 55 ba leten. Valór mínimu ita labele hateten maibé ita haree ba persentajen husi valór ne’ebé mak iha,” José Honório tenik.
Jornalista: Osória Marques
Editór: Xisto Freitas da Piedade
