DILI, (ANTIL) – Nagardjo FC no DIT FC loke jogu segunda divizaun Liga Futeból Amadora époka daruak iha Estádiu Munisipál Dili, Tersa ne’e, tuku 16:00.
Treinadór Gaspar Quintão informa, preparasaun ba jogu hasoru rival másimu tebes ho rutina dezde fulan rua liu-ba.
“Ami la gaba-án, ami nia preparasaun di’ak tebes”, Quintão ba ANTIL liuhusi telefónema iha nia hela fatin, Tersa ne’e, bainhira husu ninia komentáriu kona-ba preparasaun.
Maske jogadór balun aleija, la implika liña atu hasoru adversariu. “Ami sei uza liña oi-oin iha jogu ne’e, ha’u labele esplika detalla formasaun liña, segredu klubu nian”, eis treinadór klubu Ultramar ne’e esklarese.
Jornalista: Xisto Freitas
Editora: Rita Almeida
