DILI (TATOLI)—Klube liga Terseira Divizaun, AS Lero ne´ebé lidera hosi atuál Majór Jenerál FALINTIL-Forsa Defeza Timor-Leste (F-FDTL), Lere Anan Timur, la konsege ultrapasa faze apuramentu tanba lakon ho Liquiça FC.
Liquiça FC dudu sees AS Lero ho golu 3-1 iha jogu abertura kampionatu kiik ne´ebé organiza hosi Liga Futeból Amadora (LFA) ho objetivu atu promove klubu hamutuk 12 ba liga Segunda Divizaun époka 2018.
Jogu ho sistema bota fora (gugur) ne´ebé hala´o iha Estádiu Munisipál Dili, Tersa horsehik ne´e, lori Liquiça FC sai hanesan ekipa ba dauluk ne´ebé maka liu ba faze tuir mai iha Tersa oin (23/5/17) kontra ekipa manán na´in entre ekipa FC Lero kontra FC Aimo, ne´ebé maka hala´o iha Kuarta ohin. (Jornalista: Xisto Freitas)
