DILI, 27 maiu 2019 (TATOLI) – Diretór Jerál Ospitál Nasionál Guido Valadares (ONGV), Aniceto Cardoso Barreto, hateten ran tipu A difisil tebes atu hetan.
“Tipu ran ne’ebé maka durante ne’e ami difisil atu hetan maka tipu AB, tanba hanesan ita hotu hatene iha rejiaun Ázia populasaun maioria ran O, tuir maka A, difisil liu maka B no AB, ne’e komunidade ran tipu rua ne’e mak laiha duni”, hateten Aniceto Cardoso Barreto ba jornalista sira iha Ministériu Saúde (MS), Kaikoli, ohin.
Aniceto salienta daudaun ne’e stoke ran iha ONGV sufisiente. “Daudaun ne’e ran foin tama tan iha ospitál hamutuk unidade 87, ne’ebé ha’u bele dehan stoke ran sufisiente”, katak nia.
Husi unidade 87 ne’e kompostu hosi tipu A hamutuk; unidade 30, B unidade 24, O barak liu no AB mak uitoan liu mak unidade ualu.
Jornalista: Antónia Gusmão
Editora: Rita Almeida
