COVALIMA, 26 agostu 2021 (TATOLI)-Sekretariadu Tékniku Administrasaun Eleitorál (STAE) Munisípiu Covalima durante jullu to’o agostu 2021, rejista eleitór foun na’in-730.
“Eleitór potensiál ne’ebé atinje ona tinan 16 ne’e bele hetan ona kartaun eleitorál. Hahú fulan jullu to’o agostu, ita rejista ona eleitór foun hamutuk 730,” diretór STAE Covalima, Cláudio Cardoso informa ba Agência Tatoli iha nia kna’ar fatin, kinta ne’e.
STAE Covalima kontinua atende eleitór sira ne’ebé sei konsentra iha Suai Villa no seidauk dezloka ba iha postu administrativu tanba seidauk iha ekipamentu hodi hala’o servisu atendimentu. Dadus provizóriu eleitór sira iha Munisípiu Covalima to’o agora hamutuk 50.395.
Jornalista : Celestina Teles
Editór : Francisco Simões
