INKLUZAUN SOSIÁL

SEII ezekuta OJE 2022 atinje 50% iha trimestre daruak

SEII ezekuta OJE 2022 atinje 50% iha trimestre daruak

Osan Dollar Amerikanu. Imajen/Espesiál

DILI, 12 jullu 2022 (TATOLI)—Diretór Jerál Sekretáriu Estadu Igualdade Inkluzaun (SEII), Armando da Costa, informa trimestre daruak (abríl-juñu) ne’e SEII ezekuta Orsamentu Jerál Estadu (OJE) 2022 atinje ona 50% ho ekivalénsia osan $1,013,481,42.

“Iha faze ida-ne’e, ami-nia totál ezekusaun hosi atuál, kompromisu no obrigatóriu ne’e atinje ona 50%, ne’ebé kobre ba ami-nia programa boa-governasaun, igualdade jéneru, inklui inkluzaun sosiál,” Armando da Costa infroma ba Agência TATOLI, iha salaun Ministériu Finansa (MF), Dili, tersa ne’e.

Ezekusaun OJE 2022 tuir kategória saláriu no vensimentu ne’e ezekuta ona 34% ho osan $186,291,16 hosi totál aloksaun $$550,991,00; bens servisu ezekuta ona 47% ho osan $300,086,22 hosi totál osan $1,140,059,00; kapitál menór 99%, seidauk aloka osan tanba sei iha prosesu ho nia totál osan ne’ebé mak aloka $36,390,00 no transferénsia públika 87% mós hanesan ho totál osan alokasaun $300,000,00.

Nia dehan, iha trimestre datoluk ne’e SEII kontinua ho programa ne’ebé mak seidauk ezekuta hotu liga ho boa governsaun no iguladade inkluzaun ho mós inkluzaun sosiál.

Antes ne’e, iha OJE 2022 ne’e prevee $2,027,440 ne’ebé aloka ba saláriu vensimentu $550,991, bens servisu $1,140,059, kapitál menór $36,390, kapitál dezenvolvimentu laiha no transferénsia públika hamutuk $300,000.

Hosi Orsamentu Jerál Estadu 2022 ne’e sei finansia ba programa rua (2), sub-programa ualu (8) no atividade 13.

Tuir livru 2 planu anuál OJE 2022 SEII iha programa boa-governasaun no jestaun instituisionál sei gasta $776,649 no programa igualidade jéneru no inkluzasaun sosiál sei gasta $1,250,791.

Programa boa-governasaun no jestaun instituisionál ho nia sub-programa tolu (3) no atividade tolu (3).

Notísia Relevante: PN aprova OJE 2022 ba SEII iha espesialidade

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!