DILI, INKLUZAUN SOSIÁL

Asosiasaun Esperansa husu Agência TATOLI habelar EhD nia lian ba públiku

Asosiasaun Esperansa husu Agência TATOLI habelar EhD nia lian ba públiku

Diretora Asosiasaun Esperansa, Madalena da Costa. Imajen Tatoli/Osória Marques.

DILI, 26 jullu 2022 (TATOLI)—Diretora Asosiasaun Esperansa, Madalena da Costa, husu Agência TATOLI, Institutu Públiku, (TATOLI, I.P) atu futuru bele habelar liután lian Ema ho Defisiénsia (EhD) sira ba Governu.

Notísia Relevante: Bankada PLP husu Agência TATOLI tenke sai mídia krítiku-independente

“Futuru, espera TATOLI buras ba nafatin liu-liu habelar lian hosi ema ho defisiénsia sira, husu para públika ema ho defisiénsia nia informasaun defisiénsia sira ba públiku,” nia dehan ba Ajénsia TATOLI, iha ámbitu atu komemora aniversáriu ba dala-neen (6) ne’ebé atu selebra iha loron 27 jullu 2022, iha eskritóriu RHTO, Balide, Dili.

Tanba, nia dehan, Agência TATOLI mídia ne’ebé iha kualidade no nia rekursu umanu ne’ebé iha kapasidade hodi fó sai informasaun ne’ebé kredivél no loos, tanba ne’e iha aniversáriu ba dala-neen (6) ba oin tenke fó sai informasaun ne’ebé liga ho EhD liu-liu direitu EhD.

“Ho aniversáriu ba daneen ne’e, ami husu atu hadi’a di’ak liután notísia TATOLI nian iha área hotu-hotu ba públiku, liu-liu lian ema ho defisiénsia sira iha Timor-Leste,” nia dehan.

Husu kona-ba Asosiasaun Esperansa nia akompañamentu ba produtu TATOLI nian, Madalena dehan, notísia ne’ebé Agência Tatoli públika ne’e notísia ne’ebé iha kualidade, kredivél no ho loloos.

“Observasaun ba produtu TATOLI nian, ha’u rasik akompania notísia TATOLI nian ne’ebé kualidade tebes, tanba TATOLI mós durante ne’e kobre informasaun ne’ebé liga ba ema ho defisiénsia sira-nian. Ha’u reprezentante ema ho defisiénsia hato’o ami-nia parabéns ba Agência TATOLI ne’ebé halo aniversáriu bad ala neen (6),” nia dehan.

Notísia Relevante: PR Horta enkoraja TATOLI kontinua públika informasaun loos ba públiku  

Jornalista : Osória Marques 

Editór       : Cancio Ximenes

iklan
iklan

Leave a Reply

iklan
error: Content is protected !!