DILI, 02 setembru 2022 (TATOLI)—Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál, Falur Rate Laek, informa prosesu reabilitasaun ba konstrusaun fizíku ba Aeródromu Baucau kontinua la’o hela.
Notísia Relevante: Forsa konjunta finaliza ona konstrusaun armazein aeroportu Baucau
“Konstrusaun fíziku agora lao di’ak hela, moru hotu ona, sei halo manutensaun ba infraestrutura hodi halo alojamentu forsa nian,” nia dehan ba jornalista sira iha Palásiu Prezidensiál, Bairru Pite, sesta ne’e.
Aeródromu Baucau ninian, sira agora iha manutensaun nia laran, agora treinamentu nia laran fó kapasitasaun para ekipamentu ne’ebé ema fó ne’eba ne’e sira halo uza ida-ne’e.
Antes ne’e iha loron 11 jullu 2021, Primeiru-Ministru (PM), Taur Matan Ruak ho Embaxadór EUA iha Timor-Leste, Kevin Blackstone, Jenerál Reformadu Lere Anan Timur, lansa fatuk dahuluk reabilitasaun konjuntu Aeródromu iha Baucau vila, munisípiu Baucau, hafoin diskusaun iha tinan naruk nia laran.
Nune’e, Governu reprezenta hosi Vise Primeiru-Ministru no Ministru Palnu no Ordenamentu, José Maria dos Reis no EUA reprezenta hosi Embaxadór Kevin Blackstone, asina nota entendimentu atu halo reabilitasaun konjuntu ba Aeródromu Baucau inklui apoiu pontensiál ba aviasaun sivíl iha loron 28 juñu.
Objetivu hosi akordu ne’e atu ajuda dezenvolve programa promove dezevolvimentu ekonomia no diversifika área aviasaun sivíl ne’ebé sei finansia hosi Ministéiru Defeza no EUA, ho alokasaun orsamentu hamutuk millaun $10,6.
Notisia Relevante: Timor-Leste no EUA lansa fatuk dahuluk konstrusaun konjunta Aeródromu Baucau
Jornalista : Nelson de Sousa
Editór : Cancio Ximenes
