iklan

NASIONÁL, POLÍTIKA

Novembru, MACLN sei halo validasaun ikus ba dadus veteranu rejistadu 2009

Novembru, MACLN sei halo validasaun ikus ba dadus veteranu rejistadu 2009

Ministru Asuntu Kombatente Libertasaun Nasionál, Julio Sarmento da Costa "Meta Mali". Imajen Tatoli/Francisco Sony.

DILI, 26 setembru 2022 (TATOLI)—Ministru Asuntu Kombatente Libertasaun Nasionál (MACLN, sigla portugés), Júlio da Costa Sarmento “Meta Mali”, hateten iha novembru tinan ne’e MACLN sei balo validasaun ikus ba dadus veteranu rejistadu 2009 nian.

Notísia Relevante: Verifikasaun dadus veteranu rejistadu 2009 atinje ona 78%

“Dadus 2009 sei finaliza iha outubru nia rohan no iha fulan-novembru nia-laran sei iha enkontru jerál ida depois konsellu munisípiu sira hotu mai iha nasionál atu kria halo última validasaun,” Meta Mali hateten ba jornalista sira, hafoin asina akordu prorokolu kooperasaun entre PCIC ho MACLN, iha salaun MACLN Caicoli, Dili, segunda ne’e.

Hafoin ida-ne’e mak tama iha sistema no lori lista ba taka iha munisípiu sira iha territóriu nasionál, no ho ida-ne’e mak foin hatene veteranu sira-nia grau ne’e hira.

Tanba, nia informa, ekipa verifikadór hosi nasionál halo verifikasaun dadus veteranu rejistadu 2009 ne’e, to’o agora hela munisípiu Baucau ho Ermera mak seidauk finaliza maibé munisípiu seluk ne’e konklui hotu ona.

“Verifikasaun dadus ba veteran rejistadu 2009 ne’e, agora hela de’it ona ho munisípiu Ermera no Baucau maibé munisípiu seluk ne’e verifika hotu ona,” nia dehan.

Tuir dadus, veteranu iha territóriu nasionál ne’ebé mak rejistu iha 2009 no ekipa verifikadór sira halo verifikasaun ne’e hamutuk 124,680.

Iha Estatutu Kombatente Libertasaun Nasionál, lei númeru 3/2006 iha artigu 13 ne’e hateten ‘registo da Qualidade de Combatente da Libertação Nacional sei kontinua hala’o validasaun rejistu ba períodu daruak nian ba rekoñesimentu Kombatente hanesan Libertasaun Nasionál ne’ebé rejista iha tinan 2009.

Notísia Relevante: Verifikasaun dadus veteranu rejistadu 2009 iha Baucau-Ermera seidauk konklui

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!