iklan

NASIONÁL, KAPITÁL

Populasaun TL partisipa iha sensu populasaun 2022 atinje ona 93%

Populasaun TL partisipa iha sensu populasaun 2022 atinje ona 93%

Diretór Jerál Estatístika, Élias dos Santos Ferreira. Imajen Tatoli/Francisco Sony

DILI, 28 setembru 2022 (TATOLI)—Diretor Jerál Estatístika, Elias dos Santos Ferreira,  Governu liuhosi Dirasaun Jerál Estaíistika (DGE, sigla portugés) Ministériu Finansa (MF), rejista ona populasaun iha iha territóriu nasionál ne’ebé partisipa ona sensu populasaun 2022 ne’e atinje ona 93% ho total populasaun 1,192,238 ho uma kain hamuruk 2017,203.

Notísia Relevante: Dom Virgílio Kardeál enkoraja timoroan partisipa sensu populasaun 2022

“Ohin, lorokraik Dirasaun Estatistika Ekipa Sensu mai halo entrevista ba Kardeál iha nia rezidénsia. Hosi ne’e ha’u hakarak informa katak aban ita sei ba entrevista Primeiru-Ministru iha tuku 14h00 lorokraik. Entaun, ha’u hakarak informa ba ita hotu katak to’o agora kuaze iha Timor-Leste laran tomak, ita atinje ona 93% ho totál populasaun ne’ebé ita entrevista no halo sensu ona hamutuk 1,192,238 populasaun ho uma-kain 217, 203,” Diretor Jerál Estatístika ne’e informa ba jornalista sira hafoin ho ekipa finaliza entrevista ho Dom Virgilio Kardeál do Carmo da Silva, SDB, iha rezidénsia ArqueEpiskopál Lecidere, Díli, kuarta ne’e.

Tuir nia, dadus ein jerál 93% populasaun mak halo sensu ona ba munisípiu hotu, maibé iha munisípiu tolu (3) mak persentajen sei kiik liu-liu iha Dili foin 80%-resin, Baucau 85% no Bobonaro 85%.

“Ita hotu hatene katak iha munisípiu tolu (3) ne’e iha populasaun barak no ami mós hetan obstakulu hanesan Amo Kardeál hateten, liu-liu iha Dili. Tanba ema iha Dili loro-loron hala’o nia atividade ekonomia, entaun dala barak ita-nia entrevistadór sira ba odamatan taka, entaun tenke ba fali kalan no kalan ba dehan fali sábadu no domingu. Tanba ne’e, ha’u hanoin iha Dili populasaun ne’ebé barak liu hela iha Dili no to’o agora ita rejista ona kuaze rihun 250-resin populasaun iha ne’e. Maibé, ein jerál ita espera katak to’o data ne’ebé termina bele ramata ona ita-nia sensu ida-ne’e,” nia dehan.

Prosesu entrevista populasaun seidauk finaliza tanba daudaun ne’e Dirasaun Estatistika daudaun ne’e halo hela evaluasaun, no hosi ne’e ekipa entrevistadór sira tun hotu ba munisípiu liu-liu iha área Dili hodi halo entrevista ba populasaun sira kona-ba sensu populasaun 2022.

“Tanba, sensu ne’e sei to’o 05 outubru, maibé iha Dili ha’u hakarak informa ita hahú tarde iha 07 setembru, tanba ita hotu hatene katak iha 05 setembru ita simu ita-nia kardeál no 06 setembru ita halo misa boot, tanba ne’e iha Dili ita sei finaliza iha 07 outubru no ha’u espera sei ramata,” nia dehan.

Jornalista : Nelia Fernandes

Editór      : Cancio Ximenes

 

iklan
iklan

Leave a Reply

iklan
error: Content is protected !!