DILI, 10 novembru 2022 (TATOLI)—Prezidente Repúblika, José Ramos Horta, sei dekreta kalendáriu ba Eleisaun Parlamentár (ElPar) iha fulan-fevereiru 2023.
Notísia Relevante: OJE 2023: STAE prevee millaun $10 no $9 realiza eleisaun parlamentár-xefe suku
“Fulan-fevereiru ha’u tenke dekreta kalendáriu eleisaun parlamentár, mínimu tenke loron 80 antes dekreta ba data eleisaun. Ha’u lahatene loron saida maibé fulan fevereiru, ha’u tuir de’it kalendáriu tinan 2018 nian,” Prezidente Repúblika, José Ramos Horta, hateten ba jornalista sira hafoin remata hala’o vizita ba Instítutu Superiór Cristal iha Balide, kinta ne’e.
Horta hateten, partidu barak tanba hotu-hotu hakarak hetan kadeira rua depois husu tau ministru ida, asesór depois ba litik Xanana Gusmão, Marí Alkatiri, atu fó apoia no tenke fó pasta ba sira.
Notísia Relevante: PN seidauk simu proposta Governu altera lei Eleisaun Parlamentár
Mezmu kadeira rua, lima de’it balun hakarak Vise Primeiru-Ministru kedas, hakarak Ministru Interiór lori asesór lubuk ida tuur iha varanda bilan hela.
Iha Timor-Leste nia populasaun millaun ida resin maibé de’it partidu barak loos, nune’e Xefe Estadu ne’e hateten, partidu hanesan Amérika nian ne’e atu di’akliu ka di’akliu Korea do Norte nian, partidu laiha eleisaun prezidente manán kedas.
Notísia Relevante: Eleisaun parlamentár, STAE sei aumenta sentru votasaun 1.500 iha territóriu nasionál
Jornalista : Osoria Marques
Editór : Cancio Ximenes
