Poezia
Hosi Dionisio de Jesus Lopes
Loron-matan mosu mai
Hetir loos ba ó oin
Fitun kalan roman nian
Loke dalan ba ó.
Husi ki’ak no murak
Foti matan ba ó
Ema wa’in ba wa’in
Hateke ba ó.
Ema wa’in be wa’in
Tau neon ba ó
Ema lubun be lubun
Fó laran ba ó.
Ó mak Ai-riin
Nasaun ninian
Ó mak esperansa
Estadu no povu ninian.
Hasai hosi ó laran
Raan nakali nian
Sukit hosi ó neon
Hanoin aat nian.
Lalika raan fakar tan,
Nu’u mota be suli
Lalika oho malu tan
Nu’u balada rate be laiha.
Hateke ba-oin…
La’o nafatin ho dame
Hamutuk ho Lia loos
Ó sei hetan livre no roman.
