DILI, 14 dezenbru 2022 (TATOLI)—Líder Nasionál no Atuál Xefe Negosiadór Prinsipál Delimitasaun Fronteira Terrestre, Xanana Gusmão. konsidera desizaun Tribunál Rekursu (TR) ba inkonstitusionalidade ba fundu veteranu biliaun $1 iha proposta-lei Orsamentu Jerál Estadu (OJE) 2023 ne’e loos tebes.
Notísia Rekevante: Deklarasaun inkonstitusionalidade automátika fundu veteranu iha proposta OJE 2023 laiha efeitu
“Ha’u komprende tebes tanba foufoun rona ko’alia hanesan sidadaun ida laiha buat ida no kongratula Tribunál Kontas hodi fó sai desizaun ida-ne’ebé loos tebes,” Xanana Gusmão hateten ba jornalista sira hafoin ramata enkontru ho Xefe Estadu, José Ramos Horta, iha Palásiu Prezidensiál Nicolau Lobato, Bairru Pite, kuarta ne’e.
Tanba ne’e, líder rezisténsia ne’e hakruuk ba desizaun autoridade judisiáriu ninian kona-ba inkonstituisionalidade ida-ne’e.
Notísia Relevante: PR Horta husu TR halo fiskalizasaun preventiva ba fundu veteranu
“Ha’u hakruk ba Tribunál tanba hatudu daudaun ona, haree tuir lei no Sistema,” nia dehan.
Tuir Xanana Gusmão nia haree ba undu veteran, ba buat barak ne’ebé timoroan sira la devia halo.
“Ida-ne’e hatudu ida hahú fiar katak juiz sira komesa haree ba ita-nia Estadu ne’e ninia saida mak ladi’ak ne’e, dehan ladi’ak la’ós taka matan,” nia hateten
Notísia Relevante: PN simu ona notifikasaun TR relasiona fundu veteranu iha OJE 2023 inkonstitusionalidade
Jornalista : Nelson de Sousa
Editór : Cancio Ximenes
