Desizaun fundu veteranu inkonstitusionalidade ne’e TR nia kompeténsia

DILI, 16 dezembru 2022 (TATOLI)–Prezidente Komisaun Kombatente Libertasaun Nasionál (CCLN-sigla portugés), Vidal de Jesus ‘Riak Leman’, hateten desizaun fundu veteranu biliaun $1 iha proposta-lei Orsamentu Jerál Estadu (OJE) 2023 inkonstitusionalidade ne’e, Tribunál Rekursu (TR) nia kompeténsia.
Notísia Relevante: Desizaun TR kona-ba fundu veteranu inkonstitusionalidade ne’e loos
“Instituisaun mais altu ne’e Tribunál Rekursu ho Prezidente Repúblika nia kompeténsia, sira mak hatene. Bainhira Tribunál Rekursu hasai desizaun dehan inkonstitusionalidade entaun ne’e loos tanba sira mak hatene liu no sira mak foti desizaun ba asuntu ida-ne’e,” Vidal de Jesus ‘Riak Leman’hateten ba Agência Tatoli, liuhosi telefónika, sesta ne’e.
Reak Leman hatutan, bainhira dehan inkonstitusionalidade katak ida-ne’e kontra duni lei balun entaun órgaun kompetente iha kompeténsi atu foti desizaun no ida-ne’e labele duni.
Notísia Relevante: PR Horta husu TR halo fiskalizasaun preventiva ba fundu veteranu
Tanba ne’e, hakarak klarifika katak osan biliaun $1 ne’e sei laiha impliksaun ba planu, programa no atividade saida de’it iha Ministériu Asuntu Kombatente Libertsaun Nasionál (MAKLN), tanba orsamentu sira ba ida-ne’e buat ketak ida no laiha ligasaun ba asuntu refere.
“Agora biliaun $1 ne’e, kompeténsia no responsabilidade Primeiru-Ministru, Taur Matan Ruak nian tanba ne’e ha’u hakarak dehan laiha implikasaun ba atividade hotu-hotu ne’ebé ita-nia MAKLN planea ona antes, tanba nia iha osan ketak mak Orsamentu Jerál Estadu (OJE) ne’e,” nia dehan.
Notísia Relevante: Deklarasaun inkonstitusionalidade automátika fundu veteranu iha proposta OJE 2023 laiha efeitu
Jornalista : Osória Maruqes
Editór : Cancio Ximenes

