DILI, 13 janieru 2023 (TATAOLI)–Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten STAE fó formasaun ba operadora sistema hamutuk 130-resin hosi munisípiu hodi bele hasa’e sira-nia koñesimentu kona-ba oinsá atu atende eleitór iha fatin resensiamentu nian.
Notísia Relevante: Eleisaun lejislativa: STAE sei estabelese sentru votasaun 237-estasaun votasaun 320-resin
“Agora daudaun ita fó formasaun ba ita-nia operadora sistema ba diretór, ofisial STAE hosi postu administrativu sira hotu iha Timor-Leste durante loron rua, hahú horisehik no ramata ohin,” Diretór jerál e’e inform aba Agência Tatoli iha nia kna’ar fatin, Caicoli, sesta ne’e.
Objetivu formasaun ne’e, nia dehan, atu hasa’e operadora nia koñesimentu kona-ba oinsá atende eleitór iha fatin resensiementu eleitorál.
Loron ohin sira termina ona no sira fila kedas ba ida-idak nia postu administrativu no munisípiu hodi distribui ekipamentu no loron 17 janeiru lansa abertura resensiementu eleitorál no atualizasaun baze dadus depois operadora sira-ne’e halo kedas ona sira-nia atividade ida-idak.
Númeru eleitór to’o iha fulan-dezembru 2022 hamutuk 878.712 ne’ebé kompostu hosi Aileu 34.706, Ainaro 46.945, Ataúro 2.600, Baucau 98.629, Bobonaro 72.811, Cavalima 48.830, Dili 192.934, Ermera 84.361, Lautém 49.380, Liquiça 51.925, Manatuto 35.999, Manufahi 41.574, RAEOA 53.151, Viqueque 58.867.
Nune’e eleitór ne’ebé ne’ebé agora resensiadu no atualizadu iha diáspora e’e hamutuk 6.944 ne’ebé kompostu hosi Austrália 1.462, Korea Súl 1.237, Irlandia do Norte 2.185, Portugál 1.241 no Reinu Unidu 819.
Notísia Relevante: Xefe Estadu sei dekreta kalendáriu Elisaun Parlamentár iha fevereiru 2023
Jornalista : Osoria Marques
Editór : Cancio Ximenes
