BOBONARO, 03 fevereiru 2023 (TATOLI)-Bispu Dioseze Maliana, Dom Norberto do Amarál, husu ba lideransa partidu polítiku sira labele insulta malu iha palku konsolidasaun maibé konsolida didi’ak militante sira iha baze.
Bispu Dioseze Maliana hato’o mensajen ne’e tanba daudaun iha publikasaun mídia sosiál lideransa partidu polítiku balu ba halo atividade konsolidasaun buka hatún malu
Notisia Relevante:Xanana Gusmão sei aprezenta ba PR Horta halais Eleisaun Parlamentár
“Ba konsolidasaun ne’e, husu ba partidu hotu-hotu atu hakmatek, hodi hato’o didi’ak no konsolida di’diak sira-nia partidu atu nune’e labele kria fali buat aat iha partidu sira-nia leet, maibé buka atu halo buat di’ak de’it, tanba buat ida konsolidasaun ne’e atu konsolida ba laran, ne’ebé konsolidade di’diak ba duké ba konta ema-nia vida,” nia informa ba Jornalista sira, hafoin prezide misa abertura ba tinan letivu foun 2023 iha eskola Sekundária Jerál Dom Martinho da Costa Lopes Maliana, sesta ne’e.
Prezidente Epispokál Timorense ne’e husu ne’e husu líder másimu partidu polítiku iha ámbitu konsolidasaun kria pás no estáblidade no konsolida didi’ak ba apoiante sira.
Enkuantu daudaun Xefe Estadu, José Ramos Horta, hahú konvida ona partidu polítiku sira atu rona sira-nia opiniaun molok dekreta loron kampaña eleitorál no eleisaun parlamentár tinan 2023.
Notísia relevante: CNRT husu Governu aumenta sentru votasaun hasa’e taxa partisipasaun
Jornalista:Sérgio da Cruz
Editór: Evaristo Soares Martins
